مملکتده طالبلرنینگ سقوطیدن سونگ، اهالینینگ علم و تعلیمات کوریش اوچون علاقهسی کوپهیگن.
تعلیمات و اونینگ ارزشیدن حمایت قیلیش مقصدده لغمان اوقووچیلریدن بیرقطاری مذکور ولایت باله لریگه انگلیسی، مکتب درسلری و دینی موضوعلرنی اورگهتیش اوچون تعلیمات بیریش رایگان مرکز قورگنلر.
ننگرهار بیلیم یورتینینگ اوقووچیسی عزتالله مروان بو تعلیمات بیریش مرکزنینگ رهبرلیک اعضالریدن بیری دیر. اونینگ ایتیشیچه، اوروش و ناتیینچلیک عایلهلرگه زیان یتیشتیریب و بالهلر سرنوشتینی نابود قیلگن.
جناب مروان گه کوره، تعلیمات بیریش رایگان مرکز سرنوشتی بیللی بولمهگن و کمبغل بولگن بالهلرنینگ نابودلیگیگه توسیق ایتیلیش اوچون قوریلگن.
حاضرده 200 ایرکک باله و 100 قیزباله اوشبو مرکزگه تعلیمات کورهدی.
اوشبو مرکزنینگ مالی مسوولی سنگر ساحلنینگ ایتیشیچه، بیرینچیدن قطار قینچلیکلر بیلن دوچ کیلگنلر، بیراق حاضرده اوشبو قینچلیکلر کمهیگن.
عینحالده، مذکور تعلیمات بیریش مرکزده تعلیمات کوریش بیلن شغللنگن قطار اوقووچیلرنینگ ایتیشیچه، دنیالری اوزگریلگن و انهشو سبب خرسندلر.
لغمان ولایتیده تعلیمات بیریش رایگان مرکز قوریلیشی ارزشلی بیر حرکت بولیب و اوشبو ولایت یشاوچیلری تامانیدن خوش قرشیلنگن. حاضرده اوشبو مرکزنی بیناسی یوق و بالهلر بیر باغنینگ ایچیده تعلیمات کورهدیلر.
