.jpg)
لاریونوال ادعا کوي چې موټروان نن سهار د فراه ولایت په لوري روان و چې د لویې لارې ۵۱۷ پولیسو ته د باج د نه ورکولو له امله پرې ډزې وشوې او ووژل شو.
لاریونوالو چې د وژل شوي موټروان جسد یې له ځان سره لېږدولو، د ولایت مقام ودانۍ ته راغلل او د عاملانو د نیول کېدلو غوښتنه یې وکړه.
د وژل شوي شخص کورنۍ وايي چې موټروان له فراهرود نه د فراه ولایت مرکز ته په لاره و چې ووژل شو.
.jpg)
دا اعتراضګر وايي، که د دې پېښې عاملان محاکمه نهشي؛ کرار به کېنهني.
په ورته وخت کې د فراه والي عبدالبصیر سالنګي لاریونوالو ته ډاډ ورکوي چې د دې پېښې عاملان به ونیول شي او محاکمه به شي.
دا لومړی ځل نهدی چې د دې لارې موټروان د پولیسو له لوري د باج د نه ورکولو پرمهال وژل کېږي، بلکې د فراه اوسېدونکی وايي، چې په دوو کالو کې دا پنځم موټروان دی چې په ورته قضیه خپل ژوند له لاسه ورکوي.
