ایکی آی آلدین ترکمنستان، آذربایجان، گرجستان، ترکیه مملکت‌لری‌نینگ نماینده‌لری و حکومت بلند مرتبه‌لی رسمی‌لری‌نینگ حضوریده، لاجورد یولی رسمی شکلده جمهور رئیس غنی آرقه‌لی آچیلیب و اوشه کون، افغانستان محصولات‌لری یوکلنگن 9 محموله اوشبو یول‌دن اروپا گه یوباریلدی.
مملکت محصولاتی نی اروپا گه ییتیشتیرگن کاروان حاضر مملکتده قیتگن.
هرات ترانسپورتی باشلیغی یونس رهنورد گرچند لاجورد یولی آچیلگنیدن خرسندلیک بیلدیره‌دی؛ بیراق اونینگ ایتیشیچه، هیداوچی‌لر بو یولده قیینچیلک‌لربیلن روپه‌رو بولگنلر.
هرات ترانسپورتی باشلیغی، «تیر» ترانزیتی سیستمی‌ده‌گی قیینچلیک، گمرکی قیینچلیکلر و موترلرنینگ ایکی پلیته بولیشی اوشبو یولده‌گی قیینچلیک‌لردیب ایتیشیچه، اوشبو قیینچلیک‌لرنی حل ایتیش اوچون سعی و حرکتلر باشلنگن.
شو توغریده:
رهنوردنینگ کوپه‌یتیریشیچه، افغانستان موترلری‌نینگ کاروانی مه‌ییز، ایپ، تربوز تخمی و کنجد شامل (180 تُن) ایکینچیلیک حاصلات نی اوشبو یول آرقه‌لی اروپا گه ییتیشتیردی و او ییردن افغانستانده، یاغ، سولر بطری‌سی و دارو کیلتیرگن.
شوندی بیر حالده، هرات حاکمی عبدالقیوم رحیمی‌نینگ ایتیشیچه، لاجورد یولیده‌گی قیینچلیکلر تانیلگن و اونینگ رفع ایتیلیشی اوچون سعی و حرکتلرنی دوامی بار.
ایتیلیشیچه، لاجورد سوداگرلیک یولی افغانستاندن باشله‌نیب ترکمنستان، آذربایجان، گرجستان و ترکیه مملکت‌لریدن اوتیب اروپا گه وصل بوله‌دی.
