.jpg)
سونگی نیچه ییل‌ده بدخشان ولایتی‌نینگ یاشلریدن کوپینچه‌سی کَم بغل‌لیک، ایش سیزلیک و ناتینچلیک‌لر باعث، قاچقینلیک‌که تَن بیریب و قاچاقچی‌لرنینگ دامی گه توشگن‌لر. قاچقینلیک و باش پناه ایزلاوچیلیک اچیق طعمی‌نی تارتگن یاشلرنینگ ایتیشیچه، قاچاقچی‌لر مینگلرچه تاتلی سوز بیلن اولرنی ایران و ترکیه مملکت‌لریگه انتقال بیریب و او ییرلرده اولرنی آغیر ایش و محنت‌گه مجبور قیله‌دی و شونینگ‌دیک، اولردن بیرقطارینی گروگه آله‌دی.
18 یاشر شبیراحمد، بیر آی آلدین ایران دن سورگولنگن و انچه مدتدن بویان بیر بانک دن قرض آلیب تکسی‌چیلیک قیله‌دی.
شبیراحمد، بیر ییل ایرانی‌لیک‌لرنینگ آلدیده ایش قیلگن و کوپ قیین‌چیلیک بیلن ایش حقیدن 50% قولگه کیریتگن؛ بو پولنی هم قاچاقچی گه تاپشیرگن. بو یاش جوده هم سینگن و زیرِککن کورینه‌دی. اونینگ ایتیشیچه، ایران ده ایش خوفسیزلیگی بولمه‌گنی باعث، ایش حقیدن قالگن 40 مینگ افغانی‌نی ایش ایگه‌سیدن طلب قیلگنی باعث، ایش ایگه‌سی‌نینگ عکس‌العملی گه روپه‌ره بولگن و نتیجه‌ده ایران پولیسی تامانیدن سورگولنگن.
منطقه مملکت‌لریده افغانستان قاچقین‌لریدن کوپینچه‌سی قولگه آلینیش، کلتک‌لنیش، چیگره پولیس‌لری تامانیدن کم سیتیلیب و اهانت بولیش، ساتیلیش و قولمه قول بولیش موضوعلرنی تجربه قیله‌دیلر.
.jpg)
بدخشان یاشلریدن باشقه بیری رحمانی، انسان قاچاقچی‌لری تامانیدن دستلب ایران و اوندن سونگ، ترکیه چیگره‌سی گه انتقال بیریلگن. بیراق، رحمانی نه‌فقط ترکیه توپراغی‌گه آیاق قویه آلمه‌یدی، بلکیم قاچقین‌لر اردوگاهی‌ده کلتک‌لنیش‌لرگه قوشیمچه، برچه بار و یوقی‌نی ایران‌نینگ چیگره پولیسی‌گه تاپشیره‌دی.
قوشنی مملکت‌لرگه قاچقینلیک‌دن اچیق ایستده‌لیگی بولگن بدخشان یشاوچیلریدن بیرقطاری‌نینگ ایتیشیچه، قاچاقچی‌لر چیگره‌دن اوتگن چاغیده، پول‌لری بوتونله‌ی تصفیه بولیشی اوچون قاچقین‌لردن نیچه کیشی‌نی گروگه آله‌دیلر.
بیر مرته ترکیه گه سفر قیلگن صبور رحیمی‌نینگ ایتیشیچه، اوشبو گروگه آلیش ایریم پیت‌لر 3 آی زمان سوره‌دی.
قاچقینلیک میزانی آشگنیدن خواطر بیلدیرگن بدخشان ولایتی‌نینگ انسان حقلری ایرکین کمیسیونی ولایت دفتری مسؤوللری‌نینگ ایتیشیچه، دولت تامانیدن بیریلگن رقم اساسیده، بدخشان یاشلریدن 50% غیرمنظم شکلده قاچقینلیک‌که قول اورگن‌لر. سلام‌وطندارگه صحبت بیرگن مذکور دفتر مسؤولی عارفه نویدنینگ ایتیشیچه، کَم بغل‌لیک، ایش‌سیزلیک و ناتینچلیک انسان قاچاقچی‌لری‌نینگ دامی‌نی کته قیلگن. خانم نویدگه کوره، هر بیر قیشلاقده بولگن 100 یاش‌دن 50 ته‌سی ایران، پاکستان و ترکیه مملکت‌لریگه قاچقین بولگن.
بدخشان ولایتی‌نینگ اجتماعی ایشلر ریاستی باشلیغی شفیق ایوبی‌نینگ ایتیشیچه، اوشبو ولایت قاچقین‌لریدن کوپینچه‌سینی، یاشی قویی یاشلر تشکیل بیره‌دی؛ دنیا بوییچه ایش قانونی‌گه قرشی باله‌لر، آغیر ایشلرگه تعیین ایتیله‌دی.
.jpg)
افغانستان حکومتی انسان و قاچقین‌لر قاچاقچی‌لریگه قرشی کوره‌ش قانونی اساسیده، انسان و قاچقین‌لر قاچاقچی‌لریگه قرشی کوره‌ش‌ده خلق ارا همکارلیک و اویغونلیک ایجاد ایتیشی‌گه قوشیمچه، انسان و قاچقین‌لر قاچاقی جرملریگه قرشی کوره‌شیب و انسان قاچاقی جرمی‌گه قرشی لایحه‌دن حمایت قیلیب و عامل‌لرینی جزالنتیریشی کیره‌ک.
بدخشانده انسان قاچاقچی‌لریگه قرشی کوره‌ش ولایت کمیسیون کاتبی و قضایی محکمه باشلیغی امین‌الله امینی‌نینگ ایتیشیچه، مسؤول اداره‌لر اینیقسه بدخشان ولایتی‌نینگ امنیتی و کشفی اداره‌لری، انسان و قاچقین‌لر قاچاقی‌گه قرشی کوره‌ش‌ده مؤفق عمل قیلمه‌گن.
بیراق، بدخشان امنیتی رسمی‌لری‌نینگ ایتیشیچه، قاچاقچی‌لریدن کوپینچه‌سی بدخشانده ایمس و اولرنی قولگه آلیش اوچون ایچکی ایشلر وزیرلیگی عمل قیلیشی کیره‌ک. بدخشان پولیس قومندانلیگی سوزلاوچیسی ثناالله روحانی‌نینگ ایتیشیچه، بدخشاندن بولگن 25 قاچاقچی ارزگان و نیمروز ولایت‌لریده یشه‌یدیلر و اولرنینگ رویخطی‌نی ایچکی ایشلر وزیرلیگی‌گه یوبارگن.
آمریکا تشقی ایشلر وزیرلیگی تامانیدن ترقه‌تیلگن گزارش اساسیده، افغانستان حکومتی انسان و قاچقین‌لر قاچاقی‌گه قرشی کوره‌ش‌ده ییترلیچه عمل قیلمه‌گن. بیراق، حکومت انسان قاچاقی‌نی جهانی موضوع بیلیب و ایچکی و خلق ارا اداره‌لریدن، بو توغریده افغانستان دولتی‌گه کوپراق یاردم بیریشی‌نی سوره‌گن.
