بوگون (سهشنبه) افغانستان انسان حق و حقوقلری مستقل کمیسیونینینگ کمیشنری قدریه یزدانپرست کابلده «قیز خلق ارا» کونی مناسبتی بیلن اوتکزیلگن ییغینده، مملکتده خاتین – قیزلرگه قرشی زوروانلیک میزانی کوتیلمهگن پیمانهده آشگنلیگینی بیلدیرگن. او، اوشبو جغرافیهده جایلیشگن زمیننی خاتین – قیزلرگه ضد قوللنیله دیگن زورانلیک مسکنی دییش ممکن دیگن.
خانم یزدانپرست، اوتگن 14 ییل جریانیده دنیانینگ افغانستان حکومتیگه عیاللر حق و حقوقینی مدافعه قیلیش اوچون بیرگن یاردملریگه قرهمی؛ لیکن، افغان عیاللری وضیعیگه اساسی اوزگریش کیلمهگن دیدی.
نمایندهلر مجلسینینگ اعضاسی مسعوده کروخی، جمعیت و خانهدانلرده عیاللرگه قرشی یوز بیره دیگن ضدیتلر بیرینچی بولیب عیالهدن ایلدیزی یوق ایتیلیشی مقصدگه موافق دیگن.
خانم کروخی، خاتین – قیزلرگه قرشی زوروانلیک و یامان مناسبتده بولیشنی کمهیتیریش بیرینچیدن آته – آنهلرنینگ فرزندلریگه نسبتن قرهشی اوزگریشی لازملیگی اوستیده تاکید قیلگن.
جمهور رییس ایکینچی اورین باسری نینگ مصحلتچیسی حبیبه وهاج، عیاللرگه قرشی زوروانلیککه مبارزه قیلیش اوچون جمعیتنینگ مدنی و اجتماعی شرایطی اورگهنیلیشیگه کته احتیاج بارلیگینی تیلگه آلگن.
فقط قیسقه مدتلی لایحهلر همده شعار بیریش بیلن افغان عیاللری قیینچیلیگینی بر طرف ایتیش ممکن ایمس دیگن خانم وهاج.
اون بیرینچی اکتوبر «خلق ارا قیز» ایامیگه تینگ دیر. بو کون افغانستانده خاتین – قیزلر مینگ بیر قیینچلیک بیلن روپه رو بولیب تورگن بیر پیتده نشانلنهدی.
