صدیقه: بیرینچی حیض تجربه‌سی جوده هم یمان اوتدی. ایرته‌لب اویقودن تورگنیم‌ده آست کییم هول بولگنینی سیزدیم. قان‌نی کورگینچه اونچه‌لیک خواطرلنمه‌دیم. قان‌نی کوریب تیتره‌دیم؛ اویلهدیم خبر بولمس‌دن کسل بولیب من.
قارلی و ساووق قیش‌ده، باشیم گه بیر نرسه کیلگنینی هیچ کیم بیلمه‌سی اوچون، اوزیم و پنتلونیم‌نی ساووق سوو بیلن یوودیم.
اوشه کون مکتب کیتمه‌دیم، باشقه کونلر هم شونده‌ی قورقینچ بیلن اوتدی. نتیجه‌ده آنم کویله‌گیم‌ده‌کی دغل‌نی کوردی. اویه‌لیب و احتمالی سوراق برابریگه نیمه دییشیم‌نی بیلمس ایدیم؛ حقیقت‌دن نیمه بولگن و باشیم‌گه نیمه کیلگن؟
اوشه کونگچه آنم حیض توغریسیده هیچ نرسه دیگن یوق ایدی، بیراق دغل‌نی کورگندن سونگ، پنتلونم گه بیر تکه تیکدی و قورقمه دیدی.
«برچه قیزلر بویوگنیدن سونگ، پنتلونلری قانگه باته‌دی» بو بیرینچی سوز ایدی، آنم حیض توغریسیده ایتدی. باشقه اوتمیش کبی ایمس ایدیم، بیردیک اوزگردیم و دوست‌لریم بیلن بیرگه باشقه اوینه آلمه‌سیم اوچون قیغولندیم.
کمیده بیر ییل آنم پنتلونم گه تکه تیکردی و زمان اوتیشی بیلن حیض‌گه عادت قیلدیم. اوشه کوندن ییل‌لرچه اوتدی و حاضرگچه بیرینچی حیض تجربه‌سی ایسیم‌ده قالگن. زمان اوتیشی بیلن تکه اورنی‌گه ساغلیک نوارلریدن فایده‌لندیم و باشقه تکه گه نیاز قالمه‌دی و بیر مدتدن سونگ، یوویب و تکرار اوندن فایده‌لندیم.
جیین‌لریم و سینگلی‌لریم دستلب پنتلونلریگه قان کورگنده می‌نینگ دیک خواطرلنیب و اچینرلی تجربه ایسلریده قالمه‌سی اوچون حیض توغریسیده ایلگریدن اولرگه معلومات بیردیم.
