فاریاب ولایتی بلچراغ تومنینینگ ولسوالی عبدالجمیلنینگ ایتیشیچه، طالبان گروهی 20 یاشر بیر ایرکک و بیرعیالنی اوتکن کیچه مذکور ولایت بلچراغ تومنیده اوق بیلن آتیب اولدیرگن.
بلچراغ ولسوالی گه کوره، 20 یاشر ایرکک فاریاب ولایتینینگ پشتونکوت تومنی یشاوچیسی ایکن و نیچه مدتدن بویان بلچراغ تومنیده مذکور عیالنینگ اویده تیریکچیلیک قیله‌ریکن.
اونینگ ایتیشیچه، طالبان گروهی مذکور یاش ایرککنینگ عیال اویده تیریکچیلیک قیلیشیدن خبر بولیب، بیراق اوتکن کون عصر چاغیده اوق بیلن آتیب اولدیرگن و اوشبو عیالنی ایسه کیچه اوز اویگه اولدیرگن.
طالبان گروهی یاش ایرکک و عیالنی اولر تامانیدن اولدیریلگنینی تصدیقلب و مذکور عیال و ایرکک نامشروع عمل عیب بیلن اولدیریلگن دیگن.
عینحالده اولدیریلگن عیالنینگ ییقینلریدن بیرینینگ ایتیشیچه، غلام سخی اقاربلریدن بولیب نیچه مدت آلدن پشتونکوت تومنی دن مهمان صفتی ده اولرنینگ اویده کیلگن ایدی بیراق طالبان تامانیدن اولدیریلدی.
