قندوز و بدخشان ولایت‌لری نینگ محلی و امنیتی رسمی‌لری نینگ ایتیشیچه، اوشبو ولایت‌لرده طالبان گروهی نینگ هجوملریده امنیتی کوچلردن 21 ته‌سی هلاک ایتیلگن.
قندوز حاکمی سوزلاوچیسی عصمت‌الله مرادی نینگ ایتیشیچه، اوتگن کیچه طالبان گروهی امام‌صاحب و چهاردره تومن‌لریده امنیتی کوچلرنینگ پوسته‌لری اوستیگه هجوم قیلگن.
اونگه کوره، بو هجوم‌لرده حربی کوچلردن 7 ته‌سی و ملی و محلی پولیس‌لردن 7 ته‌سی جان بیرگن و باشقه 2 حربی یره‌لنگن.
قندوز حاکمی سوزلاوچیسی نینگ کوپه‌یتیریشیچه، بو آتیشمه‌لرده طالبان گروهی هم آغیر قربانلیک بیرگن و اولرنینگ بیر مقدار حربی جهاز و مهماتی امنیتی کوچلرنینگ قولی گه توشگن.
عین دمده، بدخشان حاکمی سوزلاوچیسی نیک‌محمد نظری نینگ ایتیشیچه، اوشبو ولایت ارغنج‌خواه تومنیده طالبان، القاعده و داعش گروهی آره‌سیده اویغونلشتیریلگن گروهی هجوملر نتیجه‌سیده ملی و محلی عسکرلردن 7 ته‌سی جان بیرگن.
شونینگدیک، ارغنج‌خواه تومنیده یوز بیرگن واقعه ده باشقه 2 عسکر یره‌لنگن.
طالبان گروهی حاضرگه‌قدر بو توغریده هیچ نرسه دیمه‌گن.
