قندوز ولایتیده امنیتی منبع‌لردن بیری‌نینگ سلام‌وطندارگه ایتیشیچه، بوگون "جمعه" امنیتی کوچلر و چیت‌ایللیک‌لر تامانیدن یولگه قوییلگن قوشمه عملیات نتیجه‌سیده، آمریکا عسکرلریدن 2 ته‌سی هلاک ایتیلگن.
منبع‌گه کوره، اوشبو عملیات اوتگن کونی قندوز ولایتی‌نینگ «تلوکه» قیشلاغیده یولگه قوییلگن ایدی و آمریکا عسکرلریدن باشقه بیری یره‌لنگن دیر.
عین‌حالده، افغانستانده بولگن چیت‌ایللیک کوچلرنینگ بیر خبرنامه آرقه‌لی ایتیشیچه، آمریکا عسکرلریدن 2 ته‌سی افغانستانده هلاک ایتیلگن.
شونینگدیک، قندوز ولایتیده کماندو 10- کندکی نینگ قوماندانی محمدعلی احمدی نینگ سلام‌وطندارگه ایتیشیچه، مذکور عملیات نتیجه‌سیده، طالبان جنگریلریدن 30 ته‌سی هلاک ایتیلیب و باشقه بیرقطاری یره‌لنگن دیر.
جناب احمدی نینگ کوپه‌یتیریشیچه، تلوکه قیشلاغیده هوایی هجوم‌لر نتیجه‌سیده، طالبان گروهی‌گه تیگیشلی بولگن پوسته‌لردن بیرقطاری نابود ایتیلگن و آتیشمه‌نینگ دوامی بار.
طالبان گروهی جنگریلری‌نینگ هلاک ایتیلگنی توغریسیده میدیالر بیلن صحبت قیلمه‌گن.
حاضرده کمیده 14 مینگ چیت‌ایللیک حربی کیسین حمایه‌وی کوچلر چارچوبیده افغانستانده فعالیت قیله‌دی.
