مملکتده کرونا ویروسی کینگه‌یگن بیر حالده، مرکزی حکومت قندوز ده کرونا ویروسی گه قرشی کوره‌ش اوچون 100 میلیون افغانی اَجره‌تگن؛ بیراق مذکور ولایت مدنی فعاللری و ولایتی کینگش اعضالریدن قطاری ناراضلیک بیر ییغین یولگه قوییش بیلن، محلی حکومت نی کرونا ویروسی گه قرشی کوره‌شیش خصوصیده کوچ‌سیزلیک و ییترلیچه سعی و حرکت قیلمه‌سلیک‌که عیبله‌گن.
قندوز ولایتی کینگش باشلیغی محمدیوسف ایوبی نینگ اورغولشیچه، بو ولایتده کرونا ویروسی گه چلینگنلر رقمی، رسمی شکلده اعلام قیلینگن رقم‌دن کوپ دیر.
عین حالده مذکور ولایت حاکمی سوزلاوچیسی عصمت‌الله مرادی بو ادعالرنی رد قیلیب ایتیشیچه، محلی حکومت کرونا ویروسی گه قرشی کوره‌ش خصوصیده خاص بیر کمیته ایجاد قیلگن.
قندوز ده کرونا ویروسی نینگ بیرینچی ایجابی واقعه‌سی رویخط گه آلینگنیدن بویان، اوشبو ولایتده 178 کیشی بو ویروس گه چلینگن کیم بولردن 38 ته‌سی دارولنگن و باشقه 6 ته‌سی ایسه جان بیرگن.
