قندوز شهری نینگ حاجی سنگی مسجد خطیبی مفتی سراج‌الدین سلام‌وطندار بیلن صحبت اوتکزیب ایتیشیچه، اهالی آچ‌لیک نی چیده آلمه‌یدی و دولت چیکلاولرنی کوتاریشی کیره‌ک. اونینگ ایشانچی گه کوره، کرونا ویروسی بیر شایعه دیر و جسدلرنینگ کوچه‌لرگه کورگونگه قدر، چیکلاو یره‌تیلیشی نی قبول قیلمه‌یمیز.
گزارشلر اساسیده، مذکور ولایتده حاضرگچه 53 کیشی کرونا ویروسی گه چلینگن کیم بولردن 2 ته‌سی جان بیرگن. اوشبو قندوزلیک روحانی نینگ ایتیشیچه، کرونا انسانلرنینگ اولدیرمه‌یدی و اوندن قورقیب تقدیر نینگ برابریده توختمه‌سلیک کیره‌ک.
قندوز حاکمی سوزلاوچیسی عصمت‌الله مرادی نینگ ایتیشیچه، اوتگن کون (شنبه 20- ثور) قطار ولایتی کینگش اعضالری، روحانیلر و کارگرلر ولایت مقامی‌دن چیکلاولر سیندیریلیشی نی سوره‌دیلر. قندوز حاکمی سوزلاوچیسی گه کوره، برچه دوکانلر آچیلیب و چیکلاولر کوتاریلگن صورتده، اولر ساغلیک موردلرنی مراعت قیلیش توغریسیده سوز بیرگن.
قندوز ساغلیک ریاست باشلیغی احسان‌الله افضلی نینگ ایتیشیچه، چیکلاولر کوتاریلیشی وضعیت نی یمان قیله‌دی. او مذکور ولایت یشاوچی‌لریدن بو ویروس بوتونلی نابود بولگونگه قدر مسئول نهادلر و داکترلرنینگ بویروغی نی عملی قیلیش‌لرینی سوره‌گن.
قندوز مدنی جماعه‌چیلیک مسئولی عنایت‌الله خلیق نینگ ایتیشیچه، محلی حکومت بو ویروس رواج‌لنگنیدن بویان جدی چیکلاو یره‌تیش گه موفق بولمه‌گن.
اونگه کوره، بو وضعیت دوام تاپیب و کرونا ویروسی دین عالم‌لری تامانیدن جدی آلینمه‌گن صورتده، قندوز یمان کونلر بیلن دوچ کیلیشی ممکن و اونینگ مسئولیتی محلی حکومت و چیکیلاو سیندیریلیشی گه سبب بولگن کیشیلرنینگ بوینیگه دیر.
