قندوز ولایتیدن امنیتی بیر منبع نینگ ایتیشیچه، بوگون «چهارشنبه، 28- جوزا» ایرته‌‌لب طالبان گروهی قندوز شهری نینگ «تلوکه» منطقه‌سیده امنیتی کوچلرنینگ پوسته‌سی اوستیگه هجوم قیلیب و امنیتی کوچلر بیلن توقنشگن.
اوشبو امنیتی منبع آتی فاش ایتیلیشی‌نی ایستمه‌ی سلام‌وطندارگه ایتیشیچه، امنیتی کوچلر و طالبان آره‌سیده یوز بیرگن نیچه ساعتلیک آتیشمه نتیجه‌سیده حربی عسکرلردن 6 ته‌سی هلاک ایتیلگن و باشقه 3 ته‌سی یره‌لنگن.
217 پامیر قول اردو قومندانلیگی سوزلاوچیسی نینگ اورین باسری هادی جمال، تلوکه پوسته‌سی اوستیگه طالبان گروهی تامانیدن هجوم اویوشتیریلگنی و امنیتی کوچلرنینگ قربانلیگی‌نی تصدیقلیدی، بیراق رقمی توغریسیده هیچ نرسه دیمه‌یدی.
217 پامیر قول اردو قومندانلیگی سوزلاوچیسی نینگ اورین باسرینی طالبان گروهی نینگ قربانلری توغریسیده ایتیشیچه، بو آتیشمه ده 4 جنگری طالب هلاک و باشقه 5 ته‌سی یره‌لنگن.
طالبان گروهی حاضرگه‌قدر بو توغریده هیچ نرسه دیمه‌گن.
شونینگدیک، جوزجان و قندهار ولایت‌لریدن محلی و امنیتی منبع‌لرنینگ ایتیشیچه، اوتگن کیچه جریانیده طالبان گروهی نینگ هجوملری نتیجه‌سیده قندهار ده 10 پولیس عسکر و جوزجان ده 15 حربی عسکر هلاک ایتیلگن.
