قندوز ایکّینچی مرته قوراللی طالبلر اشغالیگه اوتیشی نتیجه‌سیده ولایتده‌گی حربی و ناحربی بولیملر اوتگه یاندیریلیشی عاقبتیده ولایت برق اداره‌سیگه 2 میلیون اقش دالری زیان ییتگن.
قندوز برق اداره‌سی نینگ باشلیغی حمیدالله، شهرده اون کون دولت قوراللی مخالفلری بیلن ملی کوچلر اورته‌سیده دوام تارتگن آتیشمه جریانیده قندوز برق ییتکزیش ترماغی ویران بولگن دیدی. اونینگ سوزلریگه کوره، کته – کیچیک 64 ترانسفارمر انباری، 20 کیلوولت برق لایحه‌سی نینگ 53 بسته سیمی و لایت نینگ 19 مینگ خانه‌دانیگه برق ییتکزیب بیریش اوچون نظرده توتیلگن برچه الکترون جهازلر بوتونلی یانیب کیتگن.
قندوز برق ریاستی نینگ باشلیغی، شهر قوراللی طالبلردن تازه‌لنگندن سونگ، شهرگه برق ییتکزیش سیستمی‌نی عادی حالت‌گه کیلتیرگن لیکلرینی ایتگن، اما، ولایتده‌گی 19 خانه‌دانگه ینگی دن برق ییتکزیب بیریش لایحه‌سی نامعلوم مددتگه قدر توخته‌تیلگن دیدی برق اداره‌سی باشلغی.
باشقه تاماندن قندوز شهری نینگ بیر قنچه یشاووچیلری، ولایتده قوراللی طالبلر بیلن افغان ملی کوچلری اورته‌سیده یوز بیرگن توقنشووده تامانلر عامه‌وی لایحه‌لر جمله‌دن برق سیستمی‌گه اعتبار بیرمه‌گنلر دیدیلر. اوروش نتیجه‌سیده شهرنینگ بیر بولگی بوتون ویرانه گه ایلنگن دیدی قندوزلیکلر.
شونینگدیک قندوزلیکلر اوروش تامانلریدن جنگده تینچ اهالی یشش اویی همده دولت اداره‌لریگه زیان ییتکزمس لیکلرینی سوره‌ی دیلر.
راپه راسه بیر ییلدن سونگ، جاری ییل میزان آیی نینگ اون ایکینچسی‌ده قندوز شهری نینگ کته قسمی ایکّینچی بار جنگری طالبلر اشغالیگه اوتدی. اوروش آقیمیده دولت ادارلری اوتگه یاندیریلگن لیگیدن تشقری ولایت نینگ بیر قنچه اهالیسی اوروشده قربان بولدی. شونینگدیک خلق نینگ کته قسمی شهرنی تشلب قوشنی ولایتلر جلمه دن بلخ، تخار و کابل‌گه یول آلدیلر.
