شیرخان ایرککلر عالی مکتبی نینگ بناسیگه کیلیب توشگن بیر هاوان‌نینگ پارتلشی عاقبتی‌ده بیر اوقووچی قربان بولیب اوقیتوچیلر داخل 10 طلبه یره‌لنگن.
قندوز محلی رسمیلری، بوگون ایرتلب ساعت 9 دم حاضرگه قدر قندوز شهری‌نینگ ایریم بولیملریگه 6 راکت کیلیب توشگن لیگینی ایته دیلر.
قندوز پولیس قوماندانلیگی نینگ سوزلاووچیسی انعام‌الدین رحمانی، راکتلرنینگ کیلیب توشگن لیگی نتیجه‌سیده بیر اوقووچی هلاک بولگن و باشقه 9 طلبه ایسه یره‌لنگن دیگن.
قندوز حوزه‌وی شفاخانه‌سی نینگ باش طبیبی مرضیه سلام یقتلی نینگ سوزلریگه کوره، شیرخان ایرککلر مکتبی نینگ بناسیگه کیلیب توشگن راکت پارتله‌شی نتیجه‌سیده هلاک بولگن بیر اوقووچی همده یره‌لنگن 9 طلبه بو مرکزگه آلیب کیلینگن دیگن.
او، حادثه نینگ قربانلری بلاغتگه ییتمگه‌گن گودکلر دیدی. شمال شرق پولیسی نینگ سوزلاووچیسی محفوظ‌الله اکبری، اوشبو راکتلر ولایت نینگ چهادره تومنیده ییرلشگن قوراللی طالبلر آرقه‌لی آتیلگن لیگینی سلام‌وطندارگه ایتدی.
پارتلش توغریسیده‌گی تلفات حقیده بیرار نرسه تیلگه آلمه‌گن جناب اکبری. نامی فاش ایتیلمسلیک شرطی بیلن سلام وطندار ترماغیگه صحبت بیرگن بیر منبع، راکت‌نی آتیش‌دن نیت قندوز شهردارلیک هوتلی‌نی نشانگه آلیش بولگن دیگن.
باشقه تاماندن جناب اکبری، قوراللی طالبلر بوگون ایرتلب ملی پولیس پوسته‌لریگه هجوم قیلیش بیلن ینه بیر مرته تخار – قندوز یولینی ترافیک یوزیگه یاپیب قویگن لیکلرینی ایته‌دی.
حاضر ملی کوچلر بیلن جنگری طالبان اورته‌سیده اوروش جریانی بارلیگینی تیلگه آلگن محفوظ‌الله اکبری.
بوندن ایکی هفته آلدین هم قوراللی طالبلر قندوز- تخار یولیده جایلشگن حربی پوسته‌لرگه هجوم قیلیش بیلن مذکور عمومی قتناو یولنی یولاوچیلر یوزیگه باغله‌گن ایدی.
