قندوز ولایت کینگشی، ولایت‌نینگ قلعه‌زال تومنی بوتونلی جنگری طالب‌لر اشغالی‌گه اوتگنی باره‌سیده خبر بیردی.
قندوز ولایت کینگشی‌نینگ اعضاسی امرالدین ولی، قلعه‌زال تومنی کیچه بوتونلی طالبان حرکتی نظارتی‌گه اوتگن لیگینی تصدیق له‌دی. ولایت کینگشی‌نینگ باشقه بیر اعضاسی اسدالله‌سادات و قلعه‌زال یشاوچی‌لریدن بیری اوشبو خبرنی تصدیقلب، ملی کوچلر ولایت‌نینگ شمالی‌ده جایلشگن آبدان تیگیسلیگی تامان آرتگه چیکینگن‌لر دیدیلر.
جناب سادات، اوروش جریانیده تومن‌نینگ پولیس قوماندانی صفی الله امیری حیاتدن کوز یومگن‌لیگینی تیل‌گه آلگن. لیکن، هنوزگچه ولایت محلی رسمیلری بو حقیده بیرار نرسه دیمه گن‌لر. بعضی بیر گزارش‌لرده تومن‌نینگ امنیه قوماندانی یره لنگن لیگی ایتیله‌دی.
عین حالده، مملکت شمال شرق زونیده 808 پولیس قوماندانی شیرعیزیز کامه‌وال، قلعه‌زال تومنی طالب‌لر اشغالی‌گه اوتگن لیگینی رد قیلگن. او، قوراللی طالب‌لر، گروهی شکل‌ده بو تومن‌گه هجوم قیلگن‌لیک لرینی ایتگن. کامه وال، تومن‌گه مخصوص ملی کوچلری سفر بَر قیلینگن لیگینی ایتیشیگن.
قندوزده‌گی سلام‌وطندار خبرچی‌سی‌نینگ گزارش قیلیشیچه، حاضر قلعه‌زال تومنی‌ده قتیق اوروش جریانی بار. خبرچی، فرقه، پولیس و خوف‌سیزلیک اداره‌سی نینگ قوماندانلری اوروش چیزیغه بارگن‌لیک‌لرینی معلوم قیله‌دی.
قندوز ولایت والی‌سی‌نینگ سوزلاوچی‌سی سیدمحمود دانش، هنوز هم قلعه‌زال تومنی‌نینگ دولت اداره‌لری ملی کوچلر نظارتی‌ده دیگن.
شونینگ‌دیک قورالی طالب‌لر حرکتی تامانی‌دن ترقه‌تیلگن خبرنامه ده: « تومن مرکزی، پولیس قوماندانلیگی و بوتون امنیتی پوسته‌لر" تصروف‌لریگه اوتگن لیگی ادعا قیلینگن.
خبرنامه‌ده یازیلیشیچه، طالب‌لر آرقه‌لی ملی کوچلرگه آغیر تلفات بیریلیب، بیر قنچه قورال – ییراق‌لری هم بو حرکت قولی‌گه توشگن.
