قندوز ولایتی نیچه کون قورال‌لی طالب‌لر نظارتی‌گه اوتیشی و ولایت‌ده دوام ایتگن اوروش جریانی‌ده 20مینگ عایله اوز یشش بناسیدن آواره بولگن. آواره بولنگ‌لر قندوز ایندی تینچی‌نی قولدن بیردی دیگن‌لر.
ولایت قورال‌لی طالب‌لر تامانیدن تصرف ایتیلگن‌دن سونگ اوز ییش اویینی ترک قیلیب، ناگران تورموش اورتاغی بیلن کابل کیلگن روبینه اقتصادی وضعیتی باره‌سیده شکایت قیلیب ایتیشیچه، اوروش جریانی‌دن قاچیش اوچون حتی موتر کرایه‌سینی قرض آلگن. روبینه هنوزگچه هم دولت تامانیدن هیچ قنده‌ی یاردم قولگه کیریتمه‌گن‌لیگینی ایته‌دی او باشقه قندوزگه قیتمس‌لیگی باره‌سیده تاکیدله‌گن.
مذکور خانیم‌نینگ حکایه‌لری آواره بولگن یوزلب قندوزلیک‌لرنی حیاتینی روایت قیله‌دی. یوزلب عایله جانلرینی قوتقزیش اوچون برچه مال ملک‌لرینی تشلب قوش‌نی ولایت‌لر اینیقسه کابل‌گه یول آلگن‌لر. مذکور عایله‌لر بوندن بویان قندوزده حیات کیچیریش اوچون ایشانمی دیلر.
عین حالده، مهاجرلر وزیری آواره بولگن‌لرنینگ 70 فایزی قیته‌دن قندوز ولایتی‌گه قیتگن‌لیکلریدن خبر بیرگن. وزیرلیک نینگ مطبوعات مصلحتچی‌سی حفیظ احمد میاخیل نینگ ایتیشیچه، مهاجرلر وزیرلیگی مذکور آواره بولگن‌لرگه کمک قیلیش اوچون انیق بودجه‌سی یوق. ایتیلیشیچه، ایریم کمک‌لر «یو. ان. اچ.سی. آر» و «دبلیو. اف. پی.» نا دولت تشکیلات‌لری تامانیدن آواره بولگن‌لر کورسه تیلگن.
میاخیل هنوزگچه 2948خانه‌دان‌گه انسان پرورلیک یاردم کورسه‌تیلگن. اونینگ سوزلریگه کوره، قیته‌دن مذکور ولایت‌گه قیتیش‌نی ایستمه‌گن خانه‌دان‌لر بیرلشگن ملت‌لر تشکیلاتی‌نینگ قاچقین‌لر بوییچه اداره‌سیگه تانیشتیریله‌دی.
عین حالده، میاخیل کابل‌ده آواره بولگن 900کیشی‌گه ییگولیک آذیق آوقت همده اوی اسکونه‌سی ترقه‌تیب بیریلگن دیگن.
شونینگ‌دیک مذکور وزیرلیک 600 خانه‌دان ننگرهار ولایتی‌دن آواره بولگنی باره‌سیده خبر بیرگن. ایتیلیشچه، مذکور عایله‌لر ولایت‌نینگ بتی کوت و اچین ولسوال‌لیک‌لریدن آواره بولگن‌لر.
بوندن چمه‌سی بیر آی آلدین قورال‌لی طالب‌لر قندوز ولایتی‌گه هجوم قیلیب مذکور ولایت‌نی اوچ کون اوز نظارتی‌گه آلگن ایدی و اوروش جریانی‌ده ولایت‌نینگ یوزلب اهالی‌سی اوز اوی جایلریدن آوار بولگن ایدی.
