قندوز مدنی فعاللری و کرونا ویروسیگه قرشی اجرهتیلگن پول نینگ هزینهسیدن نظارت قیلیووچی کمیته اعضالری نینگ ایتیشیچه، اوشبو ولایتده کرونا ویروسیگه قرشی کورهشیش خصوصیده 100 میلیون افغانی اجرهتیلگن، بیراق مذکور پول محلی مسووللر تامانیدن تینیق شکلده هزینه ایتیلمهیدی.
قندوز ولایتیده کرونا ویروسیگه قرشی اجرهتیلگن پول نینگ هزینهسیدن نظارت قیلیووچی کمیته اعضاسی عنایتالله خلیق نینگ ایتیشیچه، حاضرگهقدر ساغلیک جهاز ساتیب آلینیشی، اهالیگه معلومات بیریش و شهرنینگ ضدعفونی قیلینیشی خصوصیده 14 میلیون افغانی هزینه قیلینگن، لیکن مذکور پول تینیق شکلده هزینه قیلینمهگن.
اونینگ ایتیشیچه، ولایت سرپرستی قیلگن فعالیتلری خصوصیده آچیق شکلده جواب قیترمهیدی.
مذکور کمیته اعضالری نینگ کوپهیتیریشیچه، اوشبو بودجهدن بیرقطاری نیاز بولمهگن جایلرده محلی مسووللر تامانیدن هزینه ایتیلگن.
اولرنینگ ایتیشیچه، ساغلیک جهازلر ساتیب آلینیشی و نیازمند عایلهلرگه یاردم بیریش جدی نیازلردن دیر، لیکن محلی مسووللر دقت قیلمهگن.
قندوز مدنی فعاللریدن بیری احمدخالد شمس نینگ ایتیشیچه، کرونا ویروسیگه قرشی کورهشیش جریانی باشلنگنیدن ایکی آی اوتماقده، بیراق حکومت محلی مسووللری بودجه نینگ قندهی شکلده هزینه ایتیلگنی خصوصیده قناعتلی جواب بیرمهیدیلر.
اونینگ ایتیشیچه، کرونا ویروسیگه چلینگنلردن کوپ قطاری، کرونا ویروسیگه چلینگنلر اوچون اختصاص بیریلگن کسلخانهده مناسب امکانیت یوقلیگی باعث، اویلریده قرنطین بولگنلر.
بیراق، قندوز حاکمی سوزلاوچیسی عصمتالله مرادی، کرونا ویروسیگه قرشی کورهشیش اوچون اجرهتیلگن بودجه نینگ هزینهسیده فساد بولگنینی رد قیلهدی.
اونینگ ایتیشیچه، مذکور پولدن 14 میلیون افغانیسی ساغلیک جهازلر ساتیب آلینیشی، هالیگه معلومات بیریش و شهرنی صدعفونی قیلینیشی خصوصیده هزینه ایتیلگن.
ایتیلیشیچه، حاضرگهقدر قندوز ولایتیده 162 کیشی کرونا ویروسیگه چلینگن و بو جملهدن 6 تهسی وفات قیلیب و باشقه 38 تهسی درمانلنگن دیر.
