قندهار معارف ریاستینینگ مطبوعاتی مسؤولی نظرمحمد صمیمینینگ سلاموطندارگه ایتیشیچه، اوشبو ولایتده 98 مکتب یاپیق قالگن و باشقه 98 مکتب نی بناسی یوق.
اونینگ ایتیشیچه، مذکور مکتبلر یاپیق قالگنی باعث، 50 مینگ اوقووچی تعلیماتدن محروم قالگن.
اونگه کوره، مذکور ولایت نینگ ریگستان، غورک و شورآبک تومنلریده هیچ بیر رسمی مکتب یوق دیر.
جناب صمیم نینگ کوپهیتیریشیچه، تشکیل آزلیگی، تعلیماتی کتابلر یوقلیگی و ناتوغری رسمورواجلر تعلیماتی پروسه سیکینلیگی گه سبب بولگن.
شو توغریده:
قندهار ولایتیده کمیده 100 مکتب یاپیق قالگن
قندهار مکتبلری بیردهه یاپیق؛ 50 مینگ اوقووچی محروم قالگن
شونینگدیک، قندهار ولایتینینگ مسلکی اوقیتوچیلریدن بیری محمدنبی خان، اوشبو ولایت نینگ معارف ریاستیدهگی قیینچیلیکلرنی تَنآلیب و اوقووچیلر تعلیمات آلیشی اوچون یخشی زمینه یرهتیلیشی نی سورهیدی.
قندهار معارف مسؤوللری نینگ معلوماتیگه کوره، قندهار ولایتیده 474 مکتب موجود و بو جملهدن 98 تهسی فعال ایمس دیر.
قندهار معارف ریاستی مسؤوللریگه کوره، اوشبو ولایتده حاضر 330 مینگ اوقووچی تعلیمات کورماقده و بولردن 87 مینگ تهسینی قیزلر تشکیل بیرهدی.
