قندهار ولایتی‌نینگ نانوالری بیر قرص نان قیمتی قوییی بولگنی باعث، فعالیت‌لرینی توخته‌تیب قویگن‌لر. مذکور ولایت نانوالری بیرلیگی باشلیغی نقیب‌الله رسول‌یارنینگ، بوگون جمعه سلام‌وطندارگه ایتیشیچه، اوشبو ولایت شهردارلیگی اولردن بیرقرص نان‌نی 14 افغانی ساتیش‌لرینی سوره‌گن، دیمک بو قیمت اولرنینگ ضرری‌گه تمام بوله‌دی. اونینگ کوپه‌یتیریشیچه، بونده‌ی بیر وضعیت‌ده اولر گاز، اون و نانوالر حقی‌نی تأمین‌له آلمه‌یدی.
بوندن آلدین، قندهار شهردارلیگی، نانی یینگیل نانوالرنی 500 افغانی جریمه قیلر ایکن، بیراق حاضر مذکور ولایت نانوالر بیرلیگی باشلیغی‌نینگ ایتیشیچه، بو جریمه 5 مینگ افغانی‌گه کوپه‌یگن.
جناب رسول‌یارنینگ ایتیشیچه، شهردارلیک جریمه‌سی اون برابر کوپیگن صورتده، اولر بیر قرص نان قیمتی 20 افغانی بولیشینی سوره‌یدی. رسول‌یارنینگ آگاه‌لنتیریشیچه، شهردارلیک تامانیدن بیر قرص نان‌نی قانونی بهاسی شونچه تعیین بولگینچه، اولر ایشلریگه دوام بیرمه‌یدی.
عین حالده، قندهار شهردارلیگی سوزلاوچیسی زمری سرگندنینگ ایتیشیچه، نیچه مرته اوشبو قیین‌چیلیک‌لرگه ییچیم یول تاپیش اوچون نانوالر بیرلیگی اعضاسی، ولایتی کینگش رسمی‌لری و مذکور ولایت شهردارلیگی بیلن بحث اوتکزگن، بیراق حاضرگه‌قدر نتیجه بیرمه‌گن.
جناب سرگندگه کوره، بیر قرص نان‌نی معیاری قیمتی 14 افغانی تعیین بولگن.
قندهار یشاوچیلری اوچون 1100 نانوا فعالیت قیله‌دی، ایتیلیشیچه، حاضر اوشبو نانوالرنی برچه‌سی یاپیلگن.
