قندهار ولایتیدن بیر منبع نینگ ایتیشیچه، بو ولایتده بیرلشگن ملتلر تشکیلاتی نینگ باله‌لر صندوقی یا-ده یونیسف نینگ بیر افغانستان‌لیک ایشلاوچیسی هلاک ایتیلگن.
مذکور منبع کیم‌لیگی فاش ایتیلیشی نی ایستمه‌ی سلام‌وطندارگه ایتیشیچه، مذکور حادثه اوتگن کون (سه‌شنبه ۲۱- اسد) قندهار شهری نینگ ۱۲- خوفسیزلیک حوزه‌سیده یوزبیرگن.
افغانستان ده یونیسف دفتری حاضرگچه بو حقده فکر بیلدیرمه‌گن. شونینگدیک حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
مذکور تشکیلات اوتگن کون افغانستان و پاکستان ده پولیو واکسین کمپاینی یولگه قوییلیشی‌دن خبر بیرگن بیر حالده، بیر ایشلاوچیسی ناتانیش قوراللی‌لر آرقه‌لی اولدیریلگن.
مذکور تشکیلات گه کوره، کرونا ویروسی باعث اوشبو ایکی مملکتده ۵۰ میلیون باله واکسین نعمتی‌دن محروم قالیشگن.
