افغانستان خوفسیزلیک رسمی‌لری‌نینگ ایتیشیچه، قندهار ولایت مقامی‌نینگ بناسی‌ده یوز بیرگن آتیشمه نتیجه‌سیده مذکور ولایت‌نینگ خوفسیزلیک قومندانی جنرال عبدالرازق اچکزی هلاک ایتیلگن.
قندهار حاکمی‌نینگ سوزلاوچیسی عزیزاحمد عزیز، جنرال عبدالرازق هلاک ایتیلگنی توغریسیده هیچ نرسه دیمه‌یدی، بیراق اونگه کوره، اوشبو آتیشمه سیلاو یولگه قوییلیشی خصوصیده تیارگرلیک‌لر آلینیشی اوچون یولگه قوییلگن ییغین یکونلنیب و ییغین اشتراکچی‌لری بنادن چیقه‌یاتگن چاغیده یوز بیرگن.
جناب عزیزگه کوره، یولگه قوییلگن ییغینده کیسکین حمایه‌وی کوچلرنینگ نیچه اعضاسی هم اشتراک قیلگن ایکن.
تصدیق‌لنمه‌گن گزارش‌لرگه کوره، هلاک ایتیلگن‌لرنینگ آره‌سیده قندهار حاکمی زلمی ویسا و مذکور ولایت‌نینگ ملی خوفسیزلیک باشلیغی عبدالمومن هم کورینگن‌لر.
شونینگدیک، کیسکین حمایه‌وی کوچلرنینگ ایتیشیچه، اوشبو هجوم نتیجه‌سیده آمریکا عسکرلریدن 2 ته‌سی یره‌لنگن و افغانستان بوییچه آمریکا کوچلری‌نی باش قومندانی اسکات میلرگه زیان ییتمه‌گن.
اوشبو واقعه مسؤولیتی‌نی قوراللی طالبلر بوینیگه آلگن.
طالبان گروهی سوزلاوچی‌لریدن بیری یوسف احمدی تامانیدن ترقه‌تیلگن خبرنامه‌ده ایتیلیشیچه، اوشبو هجوم الخندق عملیات‌لریدن بیری بولگن.
خبرنامه‌ده کیلیشیچه، یوز بیرگن هجوم‌نی اصلی مقصدی افغانستان بوییچه امریکا کوچلری‌نی باش قومندانی اسکات میلر و قندهار خوفسیزلیک قومندانی جنرال عبدالرازق اچکزی ایکن.
