بیرگینه قندهار مرکزی شهیدلر تورت یولیده‌گی چیقیندیلر ایچیده بلاغت‌گه ییتمه‌گن بیشته گودک‌نی کوره‌سیز. قولیده تیمیر، پلاستیک، قاغذ و باشقه اوسکونه‌لر بار بو یاشلر چیقیندیلرنی قیدیریش بیلن آواره.
بو باله‌لرنینگ یاشی 7 دن 12گچه. بولر شهرنینگ قشاق قتلمی بولمیش عایله‌نینگ فرزندلری. بو گودکلربیر آغیز قاره نان تاپیش اوچون ایرته‌دن کیچگچه چیقیندیلر ایچیده تورلی اوسکونه یا –ده بیر آغیز نان قدیره‌دیلر.
ایرتلب تانگ وقتی بیلن اوییدن چیقه دیگن باله‌لردن بیری ادریس. او، ایرتلب‌دن آقشام کیچگچه چیقیندلری ایچیدن تیمیر – تقه، پلاستیک و قاغذ ییغه‌دی.
او، ایش‌دن کونده 70- یا – ده 100 افغانی پول قولگه کیریته‌دی. اوشبو مبلغ حسابی بیلن خانه‌دانی‌نی بیر آغیز قوریق نان بیلن تامین قیلیشی‌نی تیلگه آله‌دی ادرییس.
بلاغت‌گه ییتمه‌گن کودکلردن ینه بیری آغاگل. اونینگ سوزلرگه کوره، بو ایشلر بیلن شغلله‌نیب تورگن پیتده تینگداشلری اوستیدن کوله‌دی. لیکن، تینگداشلری‌نینگ گپلریگه اعتبار بیرمس‌دن اوز ایشیگه دام بیریشنی تیلگه آلگن او.
قندهارده انسان حق وحقوقلری فعالیتی بیلن مشغول کمیسیون مسووللری، حاضرگی کونده اقتصادی قشلالیک باعث قندهارده 20 مینگ گودک آغیر ایشلر بیلن شغللنه‌دیلر دیدیلر.
قندهار انسان حق و حقوقلری باله‌لر بولیمی نینگ مسوولی شمس‌الدین تنویر، فقط قندهار شهری همده اسپین‌بولدک تومنیده 20 مینگ باله اقتصادی قشلاقلیک سبب آغیر ایشلرگه بیریگنلر دیگن.
جناب تنویرگه کوره، قندهارلیک باله‌لردن تشقری هلمند، زابل و اروزگان ولایتی نینگ هم بلاغت‌گه ییتمه‌گن باله‌لری قندهارده آغیر ایشلر بیلن شغلله‌نیشلرینی ایتگن.
قندهار انسان حق وحقوقلری کمیسیونی نینگ مسووللری، هنوزگچه بو توغریده نیچه مرته حکومت رسمیلری بیلن مذاکره قیلگن لیکلرینی تیلگه آلگنلر. لیکن، هنوزگچه حکومت بو توغریده جدی اعتبار بیرمه‌گن دیدی کمیسیون مسووللری.
