شهرگه نسبی تینچلیک کیلگن، دولتی ادارهلر فعال بولیب و کسبه کارلر ایشگه باشلهگن. بیراق، شهرنینگ امنیتی کوچلر و طالبان گروهی آرهسیده اوروش میدانیگه اوزگریلیشی خصوصیده قطار خواطرلر بار دیر.
طالبلرنینگ قیتهدن شهرده هجوم قیلیشی خصوصیده صحبتلر بار. غزنی یشاوچیلرینینگ ایتیشیچه، زور کونلر گه شاهد بولگنلر و کوپینچه زیان کورگنلر؛ انهشو سبب طالبلرنینگ قیتهدن هجوم قیلیشینی تحمل قیلهآلمهیدیلر.
غزنی ولایتی کینگش اعضالری، حکومتدن یشاوچیلر گه اطمینان بیریش و طالبلرنینگ احتمالی هجوملریگه توسیق بولیش اوچون دفاعی پوستهلر قوریشی نی سورهیدیلر.
غزنی ولایتی کینگش اعضالریدن بیری نصیراحمد فقیرینینگ ایتیشیچه، مذکور ولایتده جدی بیر تازهلش عملیات یولگه قویلمهگن صورتده غزنی شهرینینگ امنیتی تامین بولمهیدی.
عینحالده، غزنی پولیس قومندانلیگی و باشقه امنیتی نهادلر، اعلامیه ترقهتیش بیلن طالبان گروهی گه قیتهدن هجوم قیلیش کوچی بولمهگنی دن اطمینان بیریب و کماندو کوچلری شهر اطرافیده تازهلش عملیاتنی عمل گه آشیریش بیلن مصروف بولگنی نی بیلدیرگنلر.
شونینگدیک غزنی حاکمینینگ سوزلاوچیسی محمدعارف نورینینگ ایتیشیچه، عملیاتنی کینگیتیریش اوچون ایکی کون آلدین ملی اوردو، ملی پولیس و ملی خوفسیزلیک قطار ضربتی واحدلری مذکورولایتده بولگن امنیتی کوچلرگه قوشیلگن.
جناب نوری، پولیس حوزهلرینینگ کوپهیشی، شهر دفاعی خطینینگ ملی اوردو کوچلریگه تاپشیریلیشی و مذکور ولایت تومنلریده عملیاتلر عمل گه آشیریلیشی دن خبر بیریب و یاندیریلگن پوستهلر کیلسی نیچه کون جریانیده فعال بولیشی نی بیلدیرگن.
نیچه پیت آلدین غزنی شهرینینگ سقوط قیلیشی بیلن اوشبو ولایت دهک، اجرستان، خوگیانی و خواجهعمری تومنلری طالبلر قولیگه سقوط قیلیب و حاضرگهقدر یالغیز دهک تومنی امنیتی کوچلر کنترولیگه اوتکن.
