یاوایی کییک، سار، تاغده یشاووچی قوی، کَکلیک، اورده‌ک، شغال، یولبرس و باشقه یاوایی حیوانلر قندهار ده تاپیله‌دی. لیکن، ولایت اطراف محیطنی تازه سقلش اداره‌سی نینگ مسووللری، کمدن – کم تاپیله دیگن مذکور حیوانلرنینگ بیر قنچه‌سی ایچکی اوروشلر آقیمیده و بعضیلری ایسه آولنگن دیگنلر.
قندهار اطراف محیطنی تازه سقلش مدیری لعل شاه، بو یاوایی حیوانلرنینگ بیر قنچه‌سی ناقانونی روشده آولنه‌دی دیگن. کوچلی احتمال بیلن بو ایشده ملی کوچلرنی قولی بولیشی هم امکاندن اوزاق ایمس دیگن لعل‌شاه. اونینگ سوزلریگه کوره، حیوانلرنی آوله‌مسلیک فرمانی سابق جمهور رییس حامدی کرزی زمانیده صادر بولگن ایدی و بو حکم کوچه کیریتیلیشی ضرور.
عین حالده، قندهارلیکلر هم یاوایی حیوانلر آوله‌نیشیدن خواطرده لر. اولر آوچیلردن اطراف محیطگه زیان ییتکزمسلیکنی سوره‌گنلر.
اما، کمدن – کم تاپیله دیگن حیوانلر همده قوشلر ملی کوچلر تامانیدن آوله‌نیشینی ولایت پولیس قوماندانلیگی نینگ سوزلاووچیسی ضیادرانی کیسیکن رد قیلگن. اطراف محیطنی تازه سقلش اداره‌سی بیلن همکارلیکلری بارلیگیگه اشاره قیلگن جناب درانی، یاوایی حیوانلر ینه قوشلر آوله‌نیشی اوچون کیشیگه رخصت بیریلمس لیگینی بیلدیرگن.
مملکت‌ده‌گی یاوایی حیوانلر همده قوشلر آوله‌نیشی حقیده بار – بار شکایتلر اظهار قیلینگن. لیکن، کورینیشیچه بو حیوانلر آوله‌نیش آلدی آلینیشی اوچون حکومت هلیگچه بیرار بیر چاره تدبیر کورمه‌گن.
