.jpg)
افغانستان شمال شرقی‌ده جایلشگن قندوز ولایتی‌نینگ قلعه زال تومنی‌ده بنگی وار مادهسیگه بیریلگن‌لرنی درمانلیش اوچون بوندن ایکی ییل آلدین قوریلگن ساغلیقنی سقلش اداره‌سی حاضر ملی کوچلر حربی قرارگاهی‌گه ایلنگن.
20 بسترلیک اوشبو کسلخانه اون تورت میلیون افغانی صرفله‌نیشی بیلن قوریلگن. اما، مخدر ماده‌لرگه قرشی کوره‌شیش وزیرلیگی افغانستان ساغلیقنی سقلش وزیرلیگی‌نی تنقید قیلیب ایتیشیچه، ساغلیقنی سقلش وزیرلیگی ایکّی ییل جریانی‌ده اوشبو کسل‌خانه‌نی فعال قیلیش‌گه موفق بولمه‌گن.
قندوز مخدر ماده‌لرگه قرشی کوره‌شیش اداره‌سی‌نینگ رییسی عبدالبصرمرشدنینگ سوزلریگه کوره، مذکور ساغلیقنی سقلش اداره ولایت‌ده‌گی 30 مینگ دن 17 بنگی وار مادهسیگه بیریلگن کیشی‌لر تومن‌لرده حیات کیچیریشی اوچون بو ولسوال‌لیک‌ده قورویلگن. او، مذکور شفاخانه اوچون جدی اعتبار بیریلمه‌گن حالده، بو اداره بوتونلی شکلده ملی اردو کوچلری مُلکیتی‌گه اوتیشی باره‌سیده آگاهلنتیرگن. بنگی وار مادهسیگه بیریلگن شخص‌لر دواله‌نیش امیدینی قول‌دن بیریش‌لری ممکن.
.jpg)
اما، قندوز ولایت کینگشی‌نینگ اعضاسی عبدالحکیم سادات، ولایت‌ده مخدر ماده‌لرگه بیریلگن کیشی‌لرنینگ رقمی کون ساین آشیشی‌نی تصدیقله‌گن. اما، حکومت مخدر ماده‌لرگه بیریلگن‌لرنی درمانلش اوچون هیچ قنده‌ی بیر بنامه‌سی یوق دیگن.
عین حالده، ولایت ساغلیقنی سقلش اداره‌سی‌نینگ رسمیلریگه کوره، ییترلی درجه‌ده بودجه گن لیگی مذکور شفاخانه اعتباردن توشیش‌گه سبب بولگن. قندوز ساغلیقنی سقلش اداره‌سی نینگ باشلیغی، اوشبو کسلخانه ملی کوچلر اختیاریدن آلینیب، طبی اسکونه‌لر بیلن جهازله‌نیشی اوچون سعی و حرکت قیلیشی توغریسی‌ده سوز بیرگن.
اونینگ تاکید قیلیب ایتیشچیه، مخدر ماده‌لرگه بیریلگن شخص‌لری اوچون قوریلگن کسل‌خنه‌نی جهازلش اوچون ییترلی درجه‌ده امکانیت یوق، لیکن، بو معما گه قره‌می مملکت ساغلیقنی سقلش وزیرلیگی‌نی جریانگه قویب بو قیین چیلیک برطرف ایلتیشی اوچون امکان قدر سعی حرکت قیله‌دی.
قلعه زال تومنی‌ده بنگی وار مادهسیگه بیریلگن کیشی‌لرنی درمانلش شفاخانه‌سی خلق ارا مخدر ماده‌لرگه قرشی کوره‌شیش اداره‌سی (INL) تامانیدن قوریلگن.
