.jpg)
قندوز ولایتی نینگ یشاووچیلری ولایت نینگ والیسی اسدالله عمرخیل بیر شهرچهده ایکّی نمره ییرنی تارتیب آلیب، بنا قوریش مقصدیده ایش باشلهگن دیدیلر. مساله توغریسیده اعتراض بیلدیرگنلر ولایت والیسی و شهرداری آرقهلی باشقرهلاوچیلیککه تانیشتیریلیشلری بارهسیده آگاهلنتیریلگنلیکلرینی ایتهدیلر.
محل یشاووچیلری، کیچه نینگ بی وقتیده قوریلیش موادلر اوشبو ییرگه آلیب کیلینگن دیدیلر.
مذکور ایکّی نمره ییر قندوز ولایتی نینگ مدافعه وکیللریگه قرهشلی ایکنی ایتیلهدی. ولایت مدافعه وکیللری مستقل انجمنی نینگ اعضالری سلاموطندارگه، ولایت بلند مرتبهلی رسمیلری ییر ایگهلرینی جریانگه قویمسدن اوشبو ییرلر اوستیده بنا قوریشگه باشلهگنلر دیگنلر. اما، هلی ایسه بو ییرده قوریلیش ایش توختهتیلگنی ایتیلهدی.
انجمن نینگ باشلیغی احمدشاهعربزاده نینگ سوزلریگه کوره، ولایت والیسی اسدالله عمرخیل اوشبو ییرده ولایت مقامی آرقهلی صرفلنگن پول تولنگن تقدیرده، ییرلر ایگهلریگه قیتهریب بیریلهدی دیگن.
عربزاده گه کوره«ییرلرنینگ اصلی ایگهسی قوریلیش ایشلرنی باشلشگه اولگوریشلری اوچون بو ایشگه قول اوردیم» دیگن گپنی تیلگه آلگن ولایت والیسی.
.JPG)
مذکور ییر ولایت والیسی تامانیدن تارتیب آلینگن لیگی حقیدهگی ادعالرنی رد قیلگن والی نینگ سوزلاووچیسی سیدمحمود دانش، حکومت و ییر ایگهلری اورتهسیده قول قوییلگن شرطنامگه موافق بو ییرده قوریلیش ایشی باشلهنیشی کیرهک ایدی؛ اما ییر ترقهتیب بیریلگن لیگیدن بیش ییل اوتیشیگه قرهمهی هنوز هم قوریلیش ایش باشلنمهگن لیگینی ایتهدی.
ولایت نینگ مسووللری اهالینی بو خصوصده هیچ بیر ییتکرمه بیلن صحبت قیلیب مسالهنی تیلگه آلمسلیکلری بارهسیده آگاهلنتیرگن لیگی تیلگه آلینهدی.
لیکن، ولایت شهرداری نجیب الله عمرخیل نینگ سلاموطندارگه ایتیشیچه، اعتراض یا – ده ییتکرمهلرگه صحبت بیریش اوچون هیچ بیر اهالی تهدید بولمهگن. هیچ بیر ادارهگه دولت همده نا دولت ییرلرنی تارتیب آلیش اوچون رخصت بیریلمهیدی دیگن عمر خیل.
اهالی نینگ ییرلری اوستیده اوز باشیمچه بنا قوریش اوچون حکومت قنچهلیک حقلی؟ ییرنینگ اصلی ایگهسی تاپیلیب ادعا قیلگندن کیین زمیننی قیته قولگه کیریتیش اوچون مصرفنی تولهشی قنچهلیک توغری؟
عین حالده، بوندن ایکّی هفته آلدین ولایت نینگ والیسی جناب عمرخیل، ملی کوچلرنینگ خانهدانیگه قرهشلی 50 نینگ اکرامیه پولینی جنگری طالبان عایلهسیگه بیرگن ایدی. اونینگ بو قیلمیشی جدی عکس صدا لرگه روپه ره بولگن ایدی.
