قطرنینگ دوحه شهریده زلمی خلیلزادنینگ رهبرلیگی‌ده آمریکا قوشمه ایالت‌لری و طالبان گروهی‌نینگ آره‌سیده تینچلیک سوزلشوولری بوییچه یولگه قوییلگن ییغین آلتینچی کونی گه ییتیشدی.
طالبان گروهی‌گه یقین منبع نینگ سلام‌وطندارگه ایتیشیچه، آمریکا قوشمه ایالت‌لری چیت‌ایللیک کوچلر افغانستاندن چیقیشی خصوصیده، طالبان گروهی بیلن کیلیشگن و حاضر طالبان گروهی دوحه یییغینیده بولگن کیلیشوودن آمریکا باش تارتمه‌سی اوچون خلق ارا کفالت طلب قیلگن.
طالبلر سابق رسمیلریدن بیری وحید مژده‌نینگ ایتیشیچه، اوشبو ییغینده، چیت‌ایللیک کوچلرنینگ افغانستاندن چیقیشی و امریکانینگ باشقه مملکت‌لرگه قرشی افغانستان توپراغی‌دن فایده‌لنمه‌یشی خصوصیده، کیلشوو صورت تاپگن.
اونینگ ایتیشیچه، طالبلر دوحه ییغینی‌نینگ کیلشووی خصوصیده، خلق ارا کفالت طلب قیلگن.
مژده نینگ کوپه‌یتیریشیچه، دوحه‌گه صورت تاپگن ییغین‌نینگ نتجه‌سی نیچه کون آلدین نهایی بولگن ایدی و تیل خصوصیده فنی قیین‌چیلیک بولگنی سبب اوشبو ییغین دوام‌لی بولگن.
شونینگ‌دیک طالبلر سابق رسمیلریدن باشقه بیری اکبرآغا نینگ سلام‌وطندارگه ایتیشیچه، حاضرگه‌قدر چیت‌ایللیک کوچلرنینگ افغانستان چیقیشی و اوشبو ییغین کیلشووی خصوصیده، خلق ارا کفالتی نهایی بولمه‌گن.
اکبرآغا گه کوره، طالبلر امریکا بیلن صورت تاپگن کیلشووگه شک بیلن قره‌یدیلر و انه‌شو باعث کفالت ایسته‌یدیلر.
اونینگ کوپه‌یتیریشیچه، طالبلر اوشبو کیلشوونی خلق ارا خوفسیزلیک کینگشی کبی بیر نهاد تامانیدن تصدیق‌له‌نیشی‌نی طلب قیلگن.
طالبلر اوشبو سابق رسمیسینینگ ایتیشیچه، امریکا قوشمه ایالاتی‌نینگ هیأتی، تینچلیک سوزلشوولرینی افغانستان‌لیک‌لر آره‌سیده باشله‌نیشی اوچون سعی و حرکت قیله‌دی.
اونینگ کوپه‌یتیریشیچه، دوحه تینچلیک سوزلشوولرینی بوگون یا-ده یرته یکونله‌نیشی ممکن.
عین‌حالده، تینچلیک عالی کینگشی‌نینگ اورین باسری اسدالله زایری، آتیش کیسین و محبوسلرنینگ قوییب یوباریلیشی‌نی تینچلیک تامین‌لنیشی خصوصیده، ایجابی حرکت بیله‌دی. اونینگ ایتیشیچه، تینچلیک سوزلشولر‌نینگ افغانستان‌لیک آره‌سیده باشله‌نیش جدولی خصوصیده کیلشوو صورت تاپیشی تینچلیک عالی کینگشی اوچون یخشی یوتوق دیر.
اوشبو کیلشوو حاضرگه‌قدر سوزلشوو طرفی و یا-ده دولتی اداره‌لر تامانیدن رسمی صورتده، تصدیق‌لنمه‌گن.
امریکا قوشمه ایالاتی‌نینگ تینچلیک سوزلشوولری بوییچه خاص نماینده‌سی زلمی خلیلزاد نینگ نیچه پیت آلدین اوتکزگن صحبتی گه کوره، طالبان گروهی تینچلیک سوزلشوولریگه حاضر بولمه‌گن صورتده، امریکا اوروش‌گه دوام بیره‌دی.
