افغانستان ملی خوفسیزلیک ریاستی، مملکت امنیتی کوچلرینی پاکستان جاسوسلیک ادارهسی آرقهلی اورگهتیش و جهازلهنیشلرینی رد قیلدی. بوگون توشدن کیین بیر خبری انجمنده سوزلهگن ملی خوفسیزلیک ادارهسینینگ سوزلاووچیسی حسیب صدیقی، افغانستان ملی خوفسیزلیک ادارهسی همده پاکستان جاسوسلیک ادارهسی اورتهسیده امضالنگن کیلیشوو ضعفنی بیان قیلیش ایمس، بلکیم ملی خوفسیزلیک ادارهسینینگ کوچلیگیدن کیلیب چیقهدی دیگن.
بوندن ایکی کون آلدین ترقهتیلگن گزارشلرده، رسمی اسلامآباد بیلن کابل اورته سیده قول قوییلگن کیلیشووگه اساساً پاکستان جاسوسلیک ادارهسی افغانستان استخبارات ملازملرینی اورگهتیب جهازلیدی.
مسالهگه عکس العمل بیلدیرگن نمایندهلر مجلسینینگ اعضالری بوگون مجلسنینگ عمومی اولتیریشیده حکومتنینگ بو حرکتی ملی منفعتلرگه ضد بولگنلیگینی ایتگنلر. اما، ملی خوفسیزلیک ادارهسینینگ سوزلاووچیسی حسیب صدیقینینگ ایتیشیچه، ایکی مملکت استخبارات ادارهسی اورتهسیده امضالنگن کیلیشووده افغانستانلیک هیچ بیر حربی او مملکت خوفسیزلیک باشقرمهسی تامانیدن تیارگرلیک کورمیدی.
شونینگدیک جناب صدیقی، مذکور کیلیشووده رسمی کابل بیلن اسلامآبادنینگ تورلی ساحهلردهگی عمومی همکارلیگی معین بیر چهار چوبه اساسیده عملی ایتیلیشینی بیلدیرگن. امضالنگن شرطنامهگه اساساً افغانستان و پاکستان جاسوسلیک ادارهسی ایکی مملکتده ترورچیلیککه قرشی کورهشیش آلیب باریشی کوتیلهدی. ترورچیلرنی تیکشیریش و جاسوسلیک معلوماتلرنی المشتیریش اوشبو کیلیشونینگ باشقه موردلریدن.
ملی خوفسیزیلیک ادارهسی سوزلاووچیسینینگ گپلریگه قرهگنده، اوشبو کیلیشووده ایکی مملکت اوچون تهدید سنلهدیگن موضوعگه علاقهدار مسالهلر سیغدیریلگن. عین حالده، قطار سیاسی ایش بیلرمانلر، پاکستان جاسوسلیک ادارهسی اوشبو کیلیشوو همده افغانستان موقعیتینی سوء استعمال قیلیشی بارهسیده خواطر بیلدیرگنلر. سیاسی ایش بیلرمانلر عبدالواحد طاقت، مملکت کوچلرینینگ تیارگرلیکی و ینه قابلیتی کوچلی بولمهگنی سبب، پاکستان مذکور کیلیشوونی اوز منفعتیگه فایدهلهنیشی امکاندن اوازق ایمسلیگینی بیلدیرگن.
شونینگدیک جناب صدیقی، افغانستان ملی خوفسیزلیک ادارهسی دشمن نینگ هرقندهی تهدیدی اوچون بی فرق قالمسلیگی توغریسیده مملکت خلقیگه ایشانچ بیرگن.
گزارشلرده، بو قبل کیلشوولر افغانستان سابق جمهور ریسی حامد کرزی زمانیده هم رسمی کابل بیلن اسلامآباد اورتهسیده امضالنگی قید ایتیلگن. مملکت ملی خوفسیزلیک ادارهسی کیلیشووگه برچه موضوعلر یاروتیلگنلیگی بارهسیده تاکیدلهگن.
