کابل شهری نینگ پل محمودخان منطقه‌سی، غزنی، لوگر و باشقه ولایت‌لرده یوز بیرگن خودکش هجوم‌لر نتیجه‌سیده، کوپینچه اوقووچی‌لر جان بیریب و یره‌لنگن‌لر.
مذکور واقعه‌لرده زیان کورگنلرنینگ عایله اعضالریدن بیرقطاری نینگ ایتیشیچه، حکومت و طالبان بیرینچی‌دن آتیش‌کیسین اعلان قیلیب و اوندن سونگ، تینچلیک سوزلشوولرینی دوام بیرسین.
اوتگن کونی غزنی شهریده یوز بیرگن خودکش هجوم نتیجه‌سیده، 14 کیشی هلاک ایتیلیب و باشقه 180 کیشی یره‌لنگن و یره‌لنگنلردن کوپراغی اوقووچی‌لر دیر.
شبنم بو واقعه‌ده عایله اعضالریدن بیرینی قولدن بیرگن. اونینگ ایتیشیچه، بو واقعه غزنی یشاوچی‌لری نینگ تینچلیک تامین ایتیلیشی‌گه قرشی ایشانچ‌لرینی کمه‌یتیرگن.
عین‌حالده، معارف وزیرلیگی سوزلاوچیسی نوریه نزهت نینگ ایتیشیچه، تروریستی هجوم‌لرده اوقووچی نینگ زیان کوریشی‌گه توسیق بولیش اوچون جدی تدبیرلر آلینگن.
تینچلیک سوزلشوولر حساس بیرچاغده قرار تاپگن بیرحالده، کابل و باشقه قطار ولایت‌لرده انتحاری هجوم‌لر کوپه‌یگن. جمهور رییس غنی و عبدالله عبدالله نینگ ایتیشیچه، طالبان گروهی تینچلیک سوزلشوولرده کوپراغ امتیاز قولگه کیریتیش اوچون هجوم‌لرینی کوپه‌یتیرگن.
