افغانستان قاچقین‌لر ایش‌لری بوییچه وزیری سیدحسن عالمی بلخی، مذکور وزیرلیک 171جریب ییرنی قاچقین‌لر اوچون ترقه‌تیش‌نی نظرده توتگن‌لیگی‌نی ایتگن.
جناب بلخی بو قبیل سوزلرنی بوگون کابلده یوز کونلیک برنامه‌سی‌نی اعلان قیلیش‌ده تیل‌گه آلگن. مذکور ییر باش پنه‌سیز قاچقین‌لر تَنیلگن‌دن کیین ترقه‌تیلیشی‌نی بیلدیرگن وزیر.
شونینگ‌دیک قاچقین‌لرنی بیش ییل‌لیک برنامه‌سی‌نی نهایی‌لشتیریش، پاکستان بیلن کیلیشیلگن مهاجرلر بوییچه شرطنامه عملی ایتیلیشی، ایران، پاکستان، افغانستان و بیرلشگن ملت‌لر تشکیلاتی بیلن مهاجرلر مساله‌سی اوستی‌ده بحث قیلیش و افغانستان‌لیک مهاجرلر معماسی حل ایتیلیشی اوچون اروپا اتفاقی بیلن مذاکره قیلیش وزیرلیک‌نینگ بجریشی کوتیله دیگن یوز کونلیک برنامه‌سی دیر.
فسادگه قرشی کوره‌ش، مهاجرلر وزیرلیگی تشکیلات و توزیمی‌گه اوزگریش کیرتیش، مملکت‌گه قیتگن قاچقین‌لرگه ییتیشیش و بو وزیرلیک‌نینگ ایشلری‌نی الکترونیکی لشتیریش افغانستان قاچقین‌لر وزیرلیگی‌نینگ باشقه اساسی برنامه‌لریدن ایکنی ایتیله‌دی.
عین حالده، عالمی بلخی، قاچقین‌لرنینگ معماسی‌گه ییتیشیش فقط بو وزیرلیک‌نینگ ایشی بولمی، بلکه بو توغریده برچه وزیرلیک‌لر یاردم بیریشی کیره‌ک‌لیگی باره‌سی‌ده تاکیدله‌گن.
بوندن آلدین افغانستان قاچقین‌لر وزیری، مملکت مهاجرلری‌نینگ مشکلی حل ایتیلیشی اوچون ایران و پاکستان‌گه سفر قیلگن ایدی.
بلخی‌نینگ پاکستان‌گه بولگن سفریده اسلام آباد بو مملکت‌ده نا قانونی استقامت قیله‌دیگن افغانستان‌لیک‌لر رویخط‌گه آلینیشی‌نی ایتگن ایدی. شونینگ‌دیک ایرانده‌گی نا قانونی مهاجرلر هم رسمی رویخط‌گه آلینیشی کوتیله‌دی.
اما، قطار تحلیلچی‌لر قاچقینچ‌لر وزیرلیگی یوز کون ایچی‌ده بو ایش‌لرنی قیلیشی اوچون شک شبهه بیلن قره‌یدی‌لر.
تحلیلچی جناب نظری، دستلب بو وزیرلیک ایران و پاکستان‌ده استقامت قیله‌دیگن مهاجرلرنینگ اساسی قیین‌چیلیک‌لری برطرف ایتیلیشی اوچون سعی وحرکت قیلیشی خصوصی‌ده تاکیدله‌گن.
جناب نظری، قاچقین‌لر وزیرلیگی قوشنی مملکت‌لرگه افغانستان‌لیک مهاجرلرنی باسیم آستی‌گه آلمس‌لیک اوچون توشینتیریش لازم دیگن.
عین‌حالده، سونگی کون‌لرده مملکت‌نینگ قطار ولایت‌لریده‌گی نابرقرارلیک‌لر سبب مینگ‌لب خانه‌دان اوز تورر بنالریدن آواره بولگن‌لیک‌لری ایریم نا دولت اداره‌لر تامانیدن تصدیق‌لنماقده.
شونینگ‌دیک وزیرلیک حاضرگی کونده 5.8 میلیون قاچقین افغانستان‌دن تشقریده حیات کیچیره یاتگن لیگی‌نی بیلدیرگن.
