.jpg)
بلخ ولایتی‌نینگ عدلیه اداره‌سی مملکت اساسی قانونی و باشقه قانون‌لر زوروان‌لر همده امنیتی بلند مرتبه‌لی رسمیلر تامانیدن آیاغ آستی ایتیلیشی توغریسی‌ده تشویش بیلدیرگن بیر پیت‌ده بو ولایت‌ده اساسی قانون‌نینگ ملی هفته‌سی نشانلندی.
معین بیر شخص‌نینگ نامی‌نی تیل‌گه آلمه‌گن ولایت عدلیه اداره‌سی باشلیغی جعفر مصباح، حکومت بلند مرتبه‌لی رسمیلری، قانون‌نی مراعات قیلمس‌لیک‌لرینی بیلدیرگن. رسمیلر، امنیتی مساله‌لر سبب معین شخص‌لردن آت توته آلمس‌لیکلرینی بیلدیرگن‌لر.
.jpg)
بلخ عدلیه ریاستی، قانون‌نی سوء استعمال قیله دیگن شخص‌لرنینگ رویخطی موجودلیگی‌نی بیلدیرگن. لیکن، اونی نشر قیلیش مذکور اداره‌نینگ صلاحیتی دن ایمس لیگی تاکیدلنه‌دی.
عین حالده، ولایت امنیه قوماندانی سیدکمال سادات، اساسی قانونی ایاغ آستی قیلگن قطار کیشی‌لر قول‌گه آلینیب، عدلی و قضایی ادار‌ه‌لرگه تاپشیریلگن دیگن.
حکومت رسمیلری ینه زوران کیشی‌لر تامانیدن قانون تطبیق ایتیلمس‌لیگی ملی بیرلیک حکومتی حتی سابق جمهور رییس حامد کرزی زمانیده‌گی ییریک معمالردن سنله‌دی. افغانستانده ملی همده خلق ارا اداره‌لرنینگ بو ساحه‌ده آلیب بارگن فعالیت‌لریگه قره‌می، هنوز مملکت بویلب بو قیین‌چیلیک حل ایتیلمی قالگن.
