.jpg)
سلام‌وطندارگه بیریلگن حجتگه کوره، سناکینگشی نینگ خلق ارا علاقه‌لر کاتب‌لیک سابق باشلیغی محمدظاهر مشتاقنی، سنا باشلیغی فضل‌هادی مسلمیار قانونگه قرشی و جمهور رییس لیک سرای بویروغی اساسیده ایشدن آلینگن.
1391-ییل محمدظاهر مشتاق ایرکین سیناو و جمهور رییس‌لیک سرایی نینگ «1481 بویروغی 6/3/1391» ییلی سنامجلسی نینگ مالی و کاتب‌لیک خدمتلر بولیم باشلیغی حیثیده معرفی قیلینگن و 27/12/1392 ییلی جمهور رییس‌لیک سرایی نینگ «7784» بویروغی اساسیده ایکینچی بست‌ده سناکینگشی نینگ خلق ارا علاقه‌لر کاتب‌لیک دفتری باشلیغی ایتیب تعینلنگن ایکن.
بیراق سناکینگشی باشلیغی، جمهور رییس‌لیک سراییگه جناب مشتاقنی مذکور ریاست باشلیغی حیثیده ایشی آلینیشی‌نی طلب قیلگن و جمهور رییس‌لیک سرایی ایسه 1395/03/22 ده «876» حکم صادر قیلیشی بیلن جناب مشتاقنی ایشدن آلگنلر.
محمدظاهر مشتاق، سنا باشلیغی قانونگه قرشی دلیل سیز ایشدن آلینیشی‌نی، کاتب‌لیک رییسی بیلن اونینگ قوم پرست‌لیگی دیب بیله‌دی. مشتاق، شاه‌آغاصدیق مجددی نینگ «افغانستان قانلی فسادگه بویلگن» عنوانلی کتابگه قره‌تیب ایتیشیچه، یازووچی اوز کتابیده سنا باشلیغی بیلن کاتب‌لیک ریاستی اورته سیده‌گی معامله‌لر یوزیدن پرده کوترگن. او، سلام‌وطندارگه فضل‌هادی مسلمیار تجربه سیز سخصنی مذکور اداره باشلیغی حیثیده معرفی قیلگن دیگن.
سناکینگشی عمومی کاتب‌لیک اداره باشلیغی سیدحفیظ‌الله هاشمی نینگ ایتیشیچه، جناب مشتاقنی ایشدن آلینیشی مجلس اداری هیأت نینگ جمهور رییس‌لیک سرایی گه قیلگن ایسته‌گی اساسیده بولگن و جمهور رییس‌لیک سرایی هم اونی تأیید قیلگن.
اما سنا کینگشی محرری مولوی عبدالله قرلوق، سنا کینگشی نینگ خلق ارا کاتب‌لیک ریاست باشلیغی اداری هیأت ایسته‌گی اساسیده بولمه‌گن و فضل‌هادی مسلمیار اوزی اونی ایشدن آلگن دیگن.
سنا کینگشی محرری نینگ اورین باسری نجیبه حسینی، مشتاقنی ایشدن آلینیشی‌گه نارضلیک بیلدیریب ایتیشیچه، «اونی اوزی شو ایشگه طرف‌سیز قالگن.»
سلام‌وطندارگه کیلگن حجتگه کوره، محمدظاهر مشتاقنی ایشدن آلیش باره‌سیده، جناب مسلمیار ملکی ایشلاوچیلر تورتینچی و 11- ماده سیگه قرشی و ملکی ایشلاوچیلر قانونی نینگ 15- و 19- ماده‌سینی ایاغ آستی قیلگن.
مشتاق، ایشدن آلینیشی بیلن اداری اصلاحات ایرکین کمیسیونی نینگ ملکی ایشلاوچیلر بولیمی‌ده شکایت قیلگن.
ملکی ایشلاوچیلر شکایتی‌گه بیریلگن بوردی 22/9/1395-ده «2669» مصوبه سیگه قره‌تیب: «ملکی ایشلاوچیلر ایشدن آلینیشی قانون بویروغی اساسیده خاص شرایط بیلن بوله‌دی، بیراق جناب مشتاقنی ایشدن آلینیشی اداره لازم کوریب اوتیشلر یوزه سیدن بولمه‌گن، قانون بویروغی اساسیده ایمس دیگن. شو اوچون سناکینگشی شکایت قیلگن شخصنی قانونی مصونیتی نظرده توتیلیشی بیلن پیدا بولگن قیینچی‌لیکنی حل ایتیشگه اولگورسین دیگن.»
ایش و اجتماع وزیرلیگی نینگ عمومی تقنین ریاستی هم جاری ییل 18/08/1395 ده دولت نینگ پارلمانی وزیرلیگی ارتباط و اویغون‌لیک آمریتی‌گه صادر بولگن 8304- مکتوبی جوابیده جناب مشتاقنی ایشدن آلینیش باره‌سیده، ملکی ایشلاوچیلر شکایتینی تأیید قیلیب یازیشیچه، «ایشلاوچیلرنی اداری ایشلری نظرده توتیلیب وقتینچه‌لیک بوله‌دی، (ملکی ایشلاوچیلر ایشدن آلینگن صورتده هم کیلگوسی آلتی آیگه قدر آیلیکلرینی آله‌دی) نظرده توتیلمه‌گن، بلکیم ملکی ایشلاوچیلرنی ایشگه آلیش بولیمی‌ده وقتینچه‌لیک موضوعی نظرده توتیلمه‌گن.»
.jpg)
جناب مشتاق: «رقابت یوزه‌سیدن بست اوزگریش و وقتینچه بولینیش کونلری حقوقینی مینگه بیرمه‌گنلر و بو موضوع ایش قانونی نینگ 72 و 98- ماده‌سیگه قرشی و ملکی ایشلاوچیلر قانونی نینگ، 15، 16، 19 و28 ماده‌لری و ملکی ایشلاوچیلر ایشگه آلیش مقرره‌سی نینگ 4، 5 و 11 ماده‌سیگه قرشی عمل بولگن دیدی.»
جمهور رییس‌لیک سرایی ایشلری بوییچه دفتری، سناکینگشی عمومی کاتب‌لیک ریاستی قیینچی‌لیگی حل ایتیلیشی اوچون تیگیشلی اداره‌لرگه قانونی یول-چول تاپیش اوچون تماس آلسه بوله‌دی دیگن.
جمهور رییس‌لیک سرایی ایشلری بوییچه تشکیلات باشلیغی احمدوحید شکیب نینگ سلام وطندارگه ایتیشیچه: «بو سنا کینگشی باشلیغی نینگ قیینچی‌لیگی، بیله من مشتاق حقیده ظلم بولگن.»
افغانستان حقوقچی‌لر اویوشمه‌سی نینگ سوزلاوچیسی شیرین‌خان حبیب، مشتاقنی ایشدن آلینیشی قانونگه قرشی دیگن، سنا کینگشی تیزلیکده ملکی ایشلاوچیلر بوردی تصمیمی‌نی عملگه آشیریشینی بیلدیرگن.
سناکینگشی باشلیغی فضل‌هادی مسلمیارنینگ مشتاقنی ایشدن آلینیش باره‌سیده نظرینی آلیش نیتده تماس آلدیک؛ بیراق موفق بولمه‌دیک. بوباره‌ده جناب مسلمیارنینگ ایش دفتری باشلیغی و محرری جواب بیریشگه حاضر بولمه‌دیلر.
