شنبه کون کابل‌ده یوز بیرگن قانلی خودکش هجوم دن اوچ کون اوتماقده و بو هجوم ده 103 کیشی قربان بولدی. اوشبو هجوم قربانلریدن بیری محمد عیسی، بدخشان ولایتی‌نینگ جُرم تومنی یشاوچیسی بولگن. محمدعیسی عایله‌سی‌نینگ وضعیتی‌نی تیکشیریش اوچون کابل شهری ریشخور منطقه‌سیگه کیلدیم.
محمدعیسی قرینداشلری‌نینگ ایتیشیچه، او عایله‌سی‌نینگ یالغیز نان تاپووچیسی ایدی.
عیسی 5 یاشیده آته‌سینی ایچکی اوروشلرده قولدن بیرگن و کابل یتیم خانه‌سیده یشه‌گن.
او، مکتب‌دن فراغت قولگه کیریتگنیدن سونگ، درس‌گه دوام بیریش اوچون هند بارگن و اقتصادی قیین‌چیلیک‌لر باعث، درسی‌نی نا تمام قوییب و کابل‌گه قیتیب عادی حیاتی‌گه دوام بیرگن.
محمدعیسی‌نینگ تاغه‌سی عبدالشکورنینگ ایتیشیچه، اوزی یتیم بولگن عیسی، برچه قیین‌چیلیک‌لرگه تَن بیرمه‌ی تورموش قورگن و حاضر اوچ آیلیک باله‌نینگ آته‌سی ایکن.
عبدالشکورنینگ کوپه‌یتیریشیچه، عیسی کابل‌ده ایش ایزله‌گن و ایش تاپیش اوچون ایچکی ایشلر وزیرلیگی‌گه مراجعت قیلگن چاغیده، «شنبه» کون یوز بیرگن ترورچیلیک هجوم واقعه قربانی بولگن.
محمدعیسی‌نینگ قرینداشلریگه کوره، او بیرینچی باله‌سی‌نینگ یوزینی کورماق آرمانی‌نی گورگه آلیب کیتگن.
محمدعیسی‌نینگ دوست‌لریدن بیری اونینگ عایله‌سیگه قیغوداشلیک بیلدیریش اوچون کیلگن. اونینگ ایتیشیچه، محمدعیسی کَم بغلیک‌ده حیات کیچیرردی و سونگی کونلرده، ایش تاپیش اوچون سعی و حرکت قیلگن.
عین حالده، «شنبه» کون کابل‌ده یوز بیرگن هجوم قربانلری‌نینگ قرینداشلریدن بیرقطاری، حاضرگه‌قدر عزیزلری‌نینگ جسدلرینی ایزله‌یدی و حاضرگچه اولرنینگ توغریسیده هیچ قنده‌ی معلومات قولگه کیریتمه‌گن‌لر.
