بیر قنچه مدنی جماعهچیلیک فعاللری سونگی اون آلتی ییل ایچیده مسجدلر و دینی مدرسهلر اشددیچلیک ایشانچلرنی رواجلنتیریشگه حرکت قیلگن دیدیلر. اوشبو فعاللر، ایکستیرمیسلر هر قندهی بیگانه تنقیدگه عکسالعمل بیلدیریب یاشلر ایچیده نفاق اویغاتیشگه سعی وحرکت قیلهدی دیگنلر.
«پیدیاو» تشکیلاتی نینگ باشلیغی فروزان مشعل بوگون (چهارشنبه) کابلده «خلق ارا آچیق کوننی» نشانلش ییغینده قیلگن نطق سوزیده ایکستیرمیسز کسللیگیگه چلینگن کیشیلر آدیم مه آدیم باشقهلرنی بو کسللیک یولیقتیریش اوچون حرکت قیله دیلر دیگن.
اونینگ سوزلرگه کوره، مسجدلر و دینی مدرسهلر ایکستیرمیسزنی رواجلنتیریشده بو قتلمگه اینگ ایشانچلی مکان حسابلنهدی. خانم مشعل، دولت تیزیمیدن ایریلگن تورمهلر همده تشکیلاتلر مذهبی ایکستیرمیسلر ایلدیز آلیشی اوچون ینه بیر معیین ییر بولهدی دیگن.
«پیدیاو» تشکیلاتی نینگ باشلیغی یاشلر ایچیدهگی ایشسیزلیک، قشاقلیک شونینگدیک بهشت کیتیش آرزو هوسیده بولیش کبی مسالهلر خلقنی دینی ایکستیرمیسگه یوزلنتیریشگه بی واسطه ترغیب ایتیشی اوستیده تاکید ایتگن.
مسجدلرده اشددیچیلیک رواجلهنتیریلیشینی رد قیلگن مملکتحج واوقاف وزیرلیگی نینگ مطبوعات مسوولی اشراق حیدری عرب، افغانستاندهگی کوپینچه مسجدلر ینه دینی مدرسهلر حکومت نظری آستیده بولگن لیگینی اظهار قیلگن.
باشقه تاماندن، افغانستان اوچون بیرلشگن ملتلر تشکیلاتی نینگ عیاللر مسالهسی باشلیغی الیزاسیگنبایوه، دینی اشددیچیلیک امنیتی مسالهلردن اوستون بیر موضوع دیگن. بو نرسهگه قرشی کورهش اوچون فقط ملی کوچلر بیلن فعالیت آلیب باریش ممکن ایمس دیدی.
سیگنبایوه، افغانستان حکومتی نینگ بوتون ادارهلریده تعصبسیز قانونلر همده یخشی حکومتچیلیک عملگه آشیریلگن تقدیرده، دینی اشددیچیلیک میزانی کمهیشی ممکن دیگن.
بوندن نیچه وقت آلدین ترقهتیلگن خبرلرده بیرگینه قندوز ولایتی نینگ ایکّی دینی مدرسهسیده 6000 کیشی دینی تعلیمات یانیده افراطیتگه عاید موضوعلردن هم درس اوتیلهدی.
