اوتگن کون «یکشنبه» کیچ قورون فاریاب ولایتی نینگ مرکزی میمنه شهرینی 8- ناحیهسیده پولیس افسرلریدن بیری ایناغهسی بیلن بیرگه ناقانونی قوراللی کیشیلر آرقهلی اولدیریلگن.
بوگون «دوشنبه» مذکور پولیس نینگ عایله اعضالری و قرینداشلریدن اونلرچهسی میمنه شهریده ناراضیلیک نمایش یولگه قوییب حکومتدن عدالت سورهگنلر. اولرنینگ ایتیشیچه، اوشبو قتل عامللری اولر یشهیدیگن منطقهده حاضر دیر و اولر قولگه آلینیشی کیرهک.
مذکور پولیس نینگ آتهسی محمداشرف آگاهلنتیریب ایتیشیچه، حکومت اوغیللری نینگ قاتللرینی قولگه آلیش اوچون تیزلیککه اقدام قیلمهگن صورتده، اوزی ایش گه کیرهدی.
بیراق، فاریاب حاکمی اورین باسری عبدالمقیم راسخ نینگ ایتیشیچه، اوشبو قتل عامللری تانیلیشی اوچون پولیس کوچلری نینگ تیکشیروولری دوام ایتماقده و حاضرگچه بو قضیه توغریسیده بیر کیشی قولگه آلینگن.
جناب راسخ گه کوره، جمهور رئیس غنی هم اوشبو ولایت محلی مسؤوللریگه بویروغ بیریب و بو واقعه تیکشیریلیب و نتیجهسی بوگون عصرگچه جمهورلیک ریاستی گه یوباریلیشی نی ایستهگن.
