.jpg)
بدخشان محلی مسووللری و ولایتی کینگش اعضالرینینگ ایتیشیچه، قار یاغیشلر نتیجهسیده، مذکور ولایت 9 تومنینینگ قتناو یولی یاپیلیب و اوشبو تومنلرنینگ یشاوچیلری جدی قیینچلیکلر بیلن روپهره بولگن.
بدخشان ولایتی کینگش اعضالریدن بیری طلبالدین قادرینینگ سلاموطندارگه ایتیشیچه، بدخشان قتناو یوللرنینگ یاپیلیشی سبب، مذکور ولایت چیگرهلریده بولگن تومنلرنینگ یشاوچیلری جدی قیینچلیککه دوچ کیلگن.
جناب قادریگه کوره، ساغلیق خذمتلر و آزقه اوقات بولمهگنی باعث، اوشبو ولایت قطار تومنلرینینگ یشاوچیلرینی جدی خطرلر تهدید قیلهدی.
بدخشان چیگرهلریده بولگن تومنلرنینگ یشاوچیلریدن بیرقطاری فیضآباد شهریده بند قالگنلر. اولرنینگ ایتیشیچه، وردوج تومنیده طالبلر بولگنی و باشقه قتناو یوللرنینگ یاپیق بولگنی سبب، اویلریگه باره آلمهیدیلر.
.jpg)
بدخشان ولایتیده طبیعی واقعهلرگه قرشی کورهش اداره باشلیغی سیدعبدالله همایون دهقاننینگ 9 تومن قتناو یولینینگ یاپیق بولگنینی تصدیقلب ایتیشیچه، ایکی کوندن بویان مذکور اداره ایشلاوچیلری قتناو یوللرنی آچیش اوچون سعی و حرکت قیلهدی.
اونینگ ایتیشیچه، اهالیگه یاردم بیریش اوچون بوتون تیارگرلیکلر آلینگن و هرقندی واقعه یوز بیرگن صورتده، اهالیگه یاردم بیرهدیلر.
محلی مسووللر، طبیعی واقعهلرگه قرشی تیارگرلیکلر آلینگنیدن خبر بیرگنلر، بیراق محل یشاوچیلرینینگ ایتیشیچه، اولرنینگ وعدهلری هیچ قچان عملی بولمهگن و محلی حکومت زیان کورگنلرگه همکارلیک قیلیش خصوصیده ناکام دیر.
