دانیل فیلدمن، امیریکه قوشمه ایالاتی نینگ افغانستان و پاکستان اوچون خاص ایلچیسی ایتیشیچه، هیچ قچان امیریکه طالبلرنی دشمن کوزی بیلن کورمهگن.
فیلدمن بومطلب اوستیگه تأکید قیلیب، امیریکه تروریسم قرشی سیده کوره شیب کیلماقده لیگینی بیلدیرگن.
افغانستان دولت رسمیلری امیریکه گه قیلگن بیش کونلیک سفریده، امیریکه جمهور رییسی باراک اوباما بیلن اوچره شووده، او نینگ اوتکزگن نطقیده طالبلر القاعده گروهی بیلن علاقه کیسیب و تروریستی هجوملردن قول کوترگن صورتده، بولر بیلن امیریکه نینگ قیسی قیینچیلیگی یوق دیگن.
میلادی 2011- ییل 21- دسمبرده آق اوی سوزلاوچیسی جی کارنی هم امیریکه افغانستانده القاعده نی یوق ایتیش اوچون کیلگن لیگینی بیلدیرگن ایدی.
آق اوی سوزلاوچیسی امیریکه نینگ دشمنی طالبلر ایمس و امیریکه دشمنی بولمه گن گروه قرشی سیده یوق ایتیش اوچون نظامی جهازلردن ایش آلیشی معنی سیز بیر مساله دیگن ایدی.
اما هردایم طالبلر امیریکهنی دشمن خطاب قیلگن و افغانستاندهگی 13 ییللیک اوروشلر دلیلی تشقی کوچلر اینیقسه امیریکه حربیلری عنوان قیلگن ایدی.
نیچه پیت آلدین حامد کرزی آلدینکی جمهور رییس، خوست ولایتیده عیاللر کونی تجلیل بولیش مناسبتیده سوزگه چیقیش قیلیب، امیریکه افغانستانده قالیشی اوچون طالبلردن ایش آلهدی و مذکور گروه بیلن یاشیرینچ شکلیده یاردم چی بولگنلیگینی تیلگه آلگن ایدی.
بو سوزلر شوپیتده ایتیلهدی کی؛ ملی بیرلیک حکومتی یوزهگه کیلیشیدن بویان افغانستان حکومتی طالبلر بیلن تینچلیک سوزله شیش زمزمهلری کوپه یب بارماقده.
