طالبان گروهی بدخشان ولایتی جرم تومنینینگ شخلول منطقهسیده هجوم قیلیب نتیجهده امنیتی کوچلردن 18 تهسی هلاک و اوشبو گروه جنگرهلری باشقه 6 کیشینی اوزلری بیلن آلیب کیتگن.
سلاموطندارگه صحبت بیرگن بدخشان ولایت کینگشی اعضاسی عبدالله ناجی نظرینینگ ایتیشیچه، طالبان گروهی اوربند دن قولهنیب امنیتی کوچلرنی غفلت گه توشیرگن.
جرم تومنیده محلی پولیس قومندانلریدن بیری محمدرازقنینگ ایتیشیچه، اوشبو واقعهده 8 طالب هلاک ایتیلگن. اونینگ ایتیشیچه، امنیتی کوچلر و طالبلر آرهسیده یوز بیرگن آتیشمه کیچه ساعت 2 ده باشلب یرتهلب ساعت 7 گچه دوام قیلیب بیراق حاضرده طالبلر منطقه دن کینگه اوریلگن.
حکومت تامانیدن اوربند اعلام ایتیلیشی و امنیتی کوچلرنینگ دفاعی حالده قرار تاپیشی، امنیتی کوچلر و تینجاهالیگه قرشی طالبان گروهی گه بیریلگن کته امتیاز دیلهدی.
