جمهورلیک ریاستی سیلاویده یالغیز 3 کون قالگن، بیراق حاضرگه‌قدر آواز بیریش مرکزلرگه سیلاو ملزمه‌لری ییتیشمه‌گن.
سیلاودن نظارت قیلیووچی نهادلرنینگ ایتیشیچه، سیلاو ملزمه‌لرینی تعیین ایتلگن زمانده آواز بیریش مرکزلریگه ییتیشمه‌گنی سیلاو لایحه‌سیگه قرشی قیین‌چیلیک یره‌ته‌دی.
افغانستان بوییچه ایرکین و عدالت‌لی سیلاو بنیادی یا-ده فیفا باشلیغی یوسف رشید نینگ ایتیشیچه، سیلاو ملزمه‌لرینی تعیین ایتیلگن زمانده آواز بیریش مرکزلرگه انتقال بیریلیشی‌نی کوته‌ریدیک، بیراق حاضرده هم انتقال بیریلمه‌گن.
جناب رشید نینگ ایتیشیچه، سلاو ملزمه‌لری کوپ قطار تومنلرده ییر یولی آرقه‌لی، انتقال بیریله‌دی و ناتینچلیک و جغرافیایی موقعیت‌لر باعث، حاضرگه‌قدر انتقال بیریلمه‌گن.
جناب رشیدگه کوره، ناتینچلیک و سیلاو ملزمه‌لرینی تومن‌لرگه انتقال بیریلمه‌گنی، اهالی‌نینگ سیلاوگه کم اشتراک قیلیشی‌گه سبب بوله‌دی.
افغانستان بوییچه شفاف سیلاو بنیادی یا-ده تیفا باشلیغی محمدنعیم ایوب‌زاده ایتیشیچه، امنیتی تهدیدلر و سیلاو ملزمه‌لری نینگ آواز بیریش مرکزلرگه انتقال بیریلمه‌گنی سبب، اهالی کینگ شکلده سیلاوده اشتراک قیلمه‌یدی و بو موضوع سیلاو لایحه‌سیگه قرشی قیین‌چیلیک یره‌ته‌دی.
عین‌حالده، سیلاولر ایرکین کمیسیونی سوزلاوچیسی عبدالعزیز ابراهیمی نینگ ایتیشیچه، سیلاو ملزمه‌لری حاضرگه‌قدر 160 تومنده انتقال بیریلگن و انتقال بیریش لایحه‌نی دوامی بار.
جناب ابراهیمی نینگ کوپه‌یتیریشیچه، سیلاو تقویمی اساسیگه، سیلاو ماده‌لرینی انتقال بیریش 5 میزان گه‌قدر دوام قیله‌دی.
