.jpg)
افغانستان عدالت و ایرکین سیلاولر اداره‌سی (فیفا) رسمی‌لری‌نینگ ایتیشیچه، ملی بیرلیک حکومت باشلیغلری سیلاولر تیزیمی‌گه اصلاحات کیریتیلیشی خصوصیده بیرگن سوزلرینی عمل‌گه آشیرمه‌گن.
اوتگن (چهارشنبه کون، 11- حمل) مذکور اداره، (سیلاولر اصلاحاتی سوزدن عمل‌گچه) ناملی آلتی آی‌لیک گزارشی‌ده ایتیشیچه، حکومت سوزلری عملی بولمه‌گنینی اساسی دلیلی، باشلیغ‌لری‌نینگ بی فرق یانده‌شی بولگن.
اوشبو ییغینده فیفا اجراییه باشلیغی محمدیوسف رشیدنینگ ایتیشیچه، سیلاولرگه اصلاحات کیریتیش ملی بیرلیک حکومتی‌نینگ بیرینچی ایشلریدن بیری ایدی، بیراق اوشبو حکومت اوتگن بیر ییل‌ده بو توغریده هیچ بیر عملی ایش قیلمه‌گن.
سیلاولر تیزیمی‌گه اصلاحات کیریتیش، ملی بیرلیک حکومت تشکیلاتی‌نینگ سیاسی کیلیشوولریدن بیری ایدی.
جناب رشیدی، سیلاولر اصلاحاتی کم سیتیلیشی و ایریم تحمیلی ایشلرنی اوشبو لایحه ناکام‌لیگی‌نی باشقه بیر دلیلی دیب بیله‌دی.
.jpg)
فیفانینگ تکلیفی‌گه کوره، حکومت باشلیغلری ایچکی قره‌مه قرشی‌لیک‌لرینی چیتده قوییب، سیلاولر اصلاحاتی‌گه اولویت بیریب و تنلش کمیته ایشی‌گه سیاسی حزب‌لر اره‌لشینی باشقریشی کیره‌ک.
مذکور اداره اجراییه باشلیغی‌نینگ ایتیشیچه، حکومت باشلیغلری، سیلاولر کمیسیونی‌نینگ چوکی‌لرینی اورته‌لریده تقسیم قیلمس‌لیک‌لری خصوصیده، خلق‌گه ایشانچ بیریش‌لری لازم؛ دیمک بو کمیسیون ایرکین قالیشی کیره‌ک.
شونینگ‌دیک، اوشبو ییغینده تنلش کمیته اعضاسی زرقا یفتلی‌نینگ ایتیشیچه، اوشبو کمیته‌نینگ ایشی جاری هفته باشله‌نیشی‌گه قرار قیلینگن ایدی؛ بیراق ایریم قیین‌چیلیک‌لر سبب آرتده قالگن و کیله‌جک هفته باشله‌نیشی‌گه امیدلر موجود.
تنلش کمیته‌نینگ ایشی نیچه آی آلدین، باشله‌نیشی‌گه قرار قیلینگن ایدی، بیراق سیلاولر اصلاحاتی خصوصیده جمهور رییس‌نینگ فرمانی پارلمان تامانیدن رد ایتیلیشی و حاضرگچه بو توغریده صادر ایتیلگن ایکینچی فرمان عمل‌گه آشیریلمه‌گنی باعث، مذکور کمیته‌نینگ ایشی باشله‌نیشی آرتده قالگن.
