.jpg)
کابلده وقتینچهلیک حکومت تشکیل ایتیلگنیدن بیر ییل کیین، قندهار ولایتینینگ معروف تومنیده اولرنینگ مکتبلری طالبلر تامانیدن یاندیریلگن و بو شکلده او و باشقه همقطارلری درس اوگهنیشدن محروم بولگن.
بیراق، مکتبنی آتهسی اوز ییریده توزهتگنی باعث، اولرنینگ عایلهسی طالبلر تامانیدن تهدید بولیب و قندهارنی ترک ایتیشگه مجبور بولگن. اولر کابلده کیلیب و مطیعالله کابل شهریده درس اوقیگن.
توغیلگن ییریده بالهلر و یاشلر محروملیگی، اونی قیتهدن معروف تومنیگه تارتدی و محل قوم بویوکلرینینگ همکارلیگیده طالبلر تامانیدن یاندیریلگن مکتبنی قیتهدن فعال قیلگن. بیراق بو ییترلی بولمهی و او، باشقه ولایتلرگه سفر قیلیب، شونینگدیک یاپیلگن مکتبلرنی آچگن.
مطیعالله ویسا، قویاش 1387- ییل «قلم یولی» ناملی قوریلمه قورگن و باشقه بیرقطار اوقووچیلرنینگ همکارلیگیده کتاب توپلش و یاپیلگن مکتبلرنی قیتهدن آچیش کمپایننی یولگه قویگن.
قلم یولی قوریلمهسینینگ کوپینچه یاردمچیسی اختیاری اوقووچیلر بولیب، مذکور قوریلمهده ایشلهیدیلر و مقصدلری درسدن محروم قالگن بالهلرنینگ درسگه ییتکیزیش و اجتماع ده کتاب اوقیش مدنیتینی رواجلنتیریش دیر.
31 مکتب
جناب ویسانینگ ایتیشیچه، مکتبلرنی یاپیلیشیگه یالغیز طالبلر دلیل بولهآلمهیدی؛ اداری فساد و شونینگدیک، محل خلقینینگ قرشیلیگی سبب، قطار مکتبلر یاپیلگن.
اونینگ ایتیشیچه، قلم یولی قوریلمهسی 8 ییلده معارف وزیرلیگی و قوم بویوکلرینینگ همکارلیگیده 31 مکتبنی قیتهدن فعال قیلیشگه مؤفق بولگن.
.jpg)
24 مینگ جلد کتاب
یاپیلگن مکتبلر قیته آچیلیشی اوچون قیلینگن سعی و حرکتلر یانیده، شونینگدیک ویسا و همکارلری کتاب توپلش کمپایننی یولگه قویگن؛ بیراق بو اونچهلیک نتیجه بیرمهگنی باعث، بو کمپایننی فیسبوکی قیلگن.
اولر فیسبوک آرقهلی یولگه قوییلگن کمپاینده تورت آی ایچیده، 24 مینگ جلد کتاب توپلهگن.
قلم یولینینگ هر بیر ولایتده بیر اختیاری نمایندهسی بار، اوشبو نمایندهلرنینگ تلیفون رقملری فیسبوک آرقهلی خلقگه ییتکیزیلهدی و خلق یاردم بیرهدیگن کتابلرینی اولرگه تاپشیرهدی.
ویسانینگ ایتیشیچه، اوشبو کتابلر بیلن حاضرگچه قندهار، هلمند، زابل، خوست و میدان وردک ولایتلریده آلتی کتابخانه ایجاد قیلگن و بو کمپاینلرینی مملکت بویلب کینگهیتیریش و برچه ولایتلرده کتابخانه ایجاد ایتیش خصوصیده قرارقیلگن.
جناب ویسا، اجتماعی ترماغلردن اساسی شکلده فایدهلنیشینی ایزلهیدی و اونینگ ایتیشیچه، هر بیر ایشلاوچی اوشبو ترماغلردن اوزی و یشاوچیلرنینگ منفعتیگه ایش آلیب بیلهدی.
اونینگ ایتیشیچه، مملکتده سوادسیزلیککه نقطه قوییش خصوصیده، حکومت بیلن مدنی ادارهلر بیر- بیراوی بیلن ایشلهشی لازم و سوداگرلردن مذکور قوریلمه مقصدیگه ایریشیش اوچون یاردم بیریشینی سورهیدی.
میلادی 2009- ییل بیرلشگن ملتلر تشکیلاتی تامانیدن ترقهتیلگن رقم اساسیده، افغانستان جمعیتیدن 66 فایزی سوادسیز دیر.
