بوگون «یکشنبه» کابلده خبری ییغین اوتکزگن اعتراضچی نامزدلردن بیری فوزیه کوفینینگ ایتیشیچه، آتی قیتهدن نمایندهلر کینگشی سیلاوینینگ نامزلرینی رویخطیگه کیریتیلیشی اوچون سیلاولر شکایتلرینی تینگلش کمیسیون اعضالریدن بیری اوندن پول طلب قیلگن.
سیلاولر شکایتلرینی تینگلش کمیسیونی 35 نامزدنینگ آتینی نماینده لرکینگشی سیلاویدن چیقاردی و خانم کوفی هم اوشبو رویخطگه شامل دیر. بیراق خانم کوفینینگ ایتیشیچه، حکومت دن ملی و خلقارا سطحیده تنقید قیلگنی سبب نماینده لر کینگشی سیلاویدن چیقاریلگن. خانم کوفی گه کوره، دوسیهسینینگ خلقارا بیر کمیته تامانیدن تیکشیریلیشی کیرهک و کمیسیون ادعاسی ثابت بولگن صورتده افغانستان سیاستیدن کنار کیتهدی.
عینحالده، سیلاولر شکایتلرینی تینگلش کمیسیونی سوزلاوچیسی علیرضا روحانینینگ سلاموطندارگه ایتیشیچه، مذکور کمیسیون سیاسی ایش قیلمهیدی و تینیقلیک ایستهیدی. اونینگ ایتیشیچه، اوشبو کمیسیون اعضالرینینگ پول تقاضا قیلگنی خصوصیده خانم کوفینینگ حجتی بولگن صورتده، عدلی و قضایی نهادلرگه مراجعت قیلیشی کیرهک.
جمهورلیک ریاستینینگ بیر اعلامیه آرقهلی ایتیشیچه، حکومتنینگ سیلاولر ایرکین کمیسیونی و سیلاولر شکایتلرینی تینگلش کمیسیونی استقلالیتیگه حرمتی بار و حکومت عادلانه و تینق بیر سیلاو بولیب اوتیشینی ایستهیدی.
سیلاولر شکایتلرینی تینگلش کمیسیونی اوتکن کونی 35 نامزدنینگ آتینی نماینده لرکینگشی سیلاوینینگ رویخطیدن چیقاردی.
