افغانستان سونگی کونلرده حساس بیر شرایط ده قرار تاپگن و جمهورلیک ریاست نامزدلری نینگ آرهسیده ایکی اونملی جریان جملهدن تینچلیک و سیلاو جدی بحث گه اوزگرگن و اولردن بیری گه اولویت بیریلیشی کیرهک.
افغانستان ملی بیرلیک حکومت اجراییه باشلیغی و جمهورلیک ریاست نامزدلریدن بیری عبدالله عبدالله نینگ ایشانچی گه کوره، تینچلیک افغانستان اهالیسی نینگ جدی نیازلریدن بیری دیر و بو جریان گه سیلاوگه نسبتن اولویت بیریلیشی کیرهک.
عین حالده، دولت قورووچی سیلاو تیمی نینگ اورین باسری امرالله صالح، کاپیسا ولایتیده مذکور تیم نینگ طرفدارلری آرهسیده نطق سوزلهگنده ایتیشیچه، تینچلیک اونملی دیر، بیراق سیلاو، جمهوریت و ملی حربی قیمتی گه ایمس و شو یوزهدن سیلاوگه اولویت بیریلیشی لازم.
عین دمده، جمهورلیک ریاست سیلاوی نامزدلریدن باشقه بیری شیدا محمد ابدالی نینگ ایتیشیچه، سیلاو و تینچلیک ایکی اونملی جریان دیر و بو جریانلر توزوم و ایچی و تشقریسیده خاص کیشیلرنینگ مقصدلری اوچون قربان بولگن.
جمهورلیک ریاست سیلاوی یولگه قوییلیش زمانی گه بیر آیدن آزراق قالگن، بیراق آمریکا بیلن طالبان گروهی نینگ سوزلشوولری و اولرنینگ آرهسیده احتمال باریچه تینچلیک کیلیشووی امضاءلنیشی مملکت ده جمهورلیک ریاست سیلاوی یولگه قوییلیشی خصوصیده، اهالی نینگ ایشانچسیزلیگی گه سبب بولگن.
