بوگون "چهارشنبه" سیلاولر ایرکین کمیسیونی رسمیلرینینگ بیر خبری ییغین آرقهلی ایتیشیچه، نمایندهلر کینگشی سیلاوینینگ کمپاینی، سیلاو تقویمی اساسیگه باشلهنیشی ممکن.
سیلاولر ایرکین کمیسیونی سوزلاوچیسی حفیظالله هاشمینینگ ایتیشیچه، کمپاینلرنینگ مالی خرجتی آواز بیرووچیلرنینگ ارقامی، مساحت و سیلاو حوزهلرینینگ موقعیتی اساسیگه بیللی ایتیلگن.
جناب هاشمینینگ ایتیشیچه، سیلاو حوزهلری آرهسیده کابل اینگ کوپ خرجت و لوگر ایسه اینگ کم خرجتنی اوزیگه اختصاص بیرگن.
سیلاولر ایرکین کمیسیونینینگ مسووللری، دولت رسمیلری و مملکت حربیلریدن سیلاو کمپاینی جریانیده هیچبیر بیللی نامزدنینگ منفعتی و یا-ده قرشیلیگیده فعالیت قیلمهیشینی سورهگن.
پارلمانی سیلاو کمپاینینینگ 6 میزان دن باشلهب و 25 میزان گچه دوام تاپیشی ممکن. سیلاولر ایرکین کمیسیونی، سیلاو نامزدلریدن کمپاین زمانی اداغ تاپیش بیلن تصویرلرینی شهر تورلی منطقهلریدن توپلهشینی سورهگن.
