خانیم گلستانی، اوشبو قیزنینگ قیته‌دن اویی‌گه آلیب کیلینیشی احمقانه بیر ایش بولگن لیگی‌نی تیل‌گه آلگن. حمیده، بو توغریده دولت مسوول‌لری همده قوم یاش اولوغ‌لری جواب‌گه تارتیلیش‌لرینی سوره‌گن.
غزنی خاتین قیزلر ایشلری بوییچه اداره رییسی شکریه‌ولی‌نینگ سوزلریگه کوره، عیال‌لر ایشلری بوییچه اداره مذکور قیزنینگ تقدیری بارهسیده جدی خواطرده. خانم ولی، اوشبو قیزنینگ قیین‌چیلیگی مملکت عدلی و قضایی اداره‌لری آرقه‌لی حل ایتلیشی بارهسیده تاکیدله‌گن.
هنوزگچه هم مذکور قیزنینگ کیم‌لیگی خصوصی‌ده انیق معلومات قول‌ده ایمس، اما، ایتلیشیچه اوشبو قیز غزنی ولایتی قره باغ ولسوال‌لیگی‌نینگ «گومیشک» قیشلاغی یشاووچی‌سی.
غزنی محلی مسوول‌لری همده ولایت کینگشی نینگ اعضالری بو توغریده بیرار نرسه تیل‌گه آلیش‌نی ایستمه‌گن‌لر.
قره باغ غزنی ولایتی‌نینگ انچه نا برقرار تومن‌لردن حسابلنه‌دی. بو اولسوال‌لیک‌نینگ کوپچیلیک قیشلاق‌لریده جنایی و حقوقی قضیه‌لر طالب‌لر و قوم یاش اولوغ‌لری آرقه‌لی حل و فصل ایتیله‌دی.
