سلام‌وطندارگه صحبت بیرگن فراه ولایت کینگشی اعضاسی جمیله امینی‌نینگ ایتیشیچه، بوگون ایرته‌لب بالابلوک تومنی‌نینگ شیوان منطقه‌سیدن قوراللی طالبلر 5 یولاوچی‌نی اوغیرلگن.
خانم امینی‌گه کوره، اوغیرلنگن کیشی‌لرنینگ کیم‌لیگی حاضرگچه معلوم بولمه‌گن، بیراق دولت ملازملری بولگنی ایتیله‌دی.
اونینگ ایتیشیچه، اوغیرلنگن کیشی‌لردن حاضرگچه هیچ بیر خبر یوق دیر.
بیراق، فراه پولیس قومندانلیگی خوفسیزلیک آمری گلبهار مجاهدنینگ ایتیشیچه، اوغیرلنگن کیشی‌لرنینگ رقمی حاضرگچه معلوم بولمه‌گن.
اونگه کوره، اولر بو توغریده تیرگاو باشله‌گن‌لر.
شونینگ‌دیک، نیچه وقت آلدین کابل-هرات قتناو یولی‌دن طالبان گروهی 5 یولاچی‌نی اوغیرلگن ایدی و بو جمله‌دن بیری پولیس ساتنمنی بولگنی سبب، باشی کیسیلگن.
