لوگر ولایتی‌نینگ والی‌سی محمدحلیم فدایی، افغانستان جمهور رییسی محمداشرف غنی بویروغی اساسیده مذکور ولایتی‌نینگ کرومیت تاشی قاچاق ایتیلیشی و ناقانونی قازیب چیقاریلیشی آلدی آلینگن دیگن. جناب فدایی، بوندن آلدین لوگر ولایتی‌نینگ کرومیت تاشی مسؤول بولمه‌گن کیشی‌لر تامانیدن قازیب چیقاریلگن‌دن کیین تشقی مملکت‌لرگه صادر ایتیلیشی‌نی بیلدیرگن. اونینگ سوزلریگه کوره، جمهور رییس‌نینگ بویروغی اساسیده ولایت‌نینگ امنیتی کوچلری تاش کان‌لر قازیب چقاریلیشی‌گه توسیق بولگن‌لر.
محمدحلیم فدایی، افغانستان حکومتی اینیقسه مملکت کان‌لر وزیرلیگی لوگر ولایتی‌نینگ کرومیت تاشی قانونی روش‌ده قازیب چیقاریلیشی اوچون لایحه اوستیده ایش باشله‌گن لیگینی بیلدیرگن. ایتیلیشیچه، مذکور کاننی قازیب چیقاریش لایحه‌سی کیم آشتی‌گه قوییلگن.
لوگر پولیس قوماندانی محمدداوود احمدی‌نینگ سلام‌وطندارگه اوشبو ولایت‌نینگ کرومیت تاشی قازیب چیقاریلیشی همده تشقی مملکت‌لرگه قاچاق ایتلیشی اوچون زوروان شخص‌لرنینگ قولی بارلیگی باره‌سیده خبر بیرگن. او، ولایت‌نینگ کرومیت تاشی قاچاق ایتلیشی اوچون بی‌فرق یانده‌شگن محمدآغه پولیس قوماندانی ایشدن بوشه تیلگن‌لیگنی اظهار ایتگن.
ولایت‌نینگ یشاوچی‌سی همده ولایت کینگشی‌نینگ اعضالری لوگر کرومیتی قاچاق ایتیلیشی توسیب قوییلگن لیگینی تصدیق‌لب، رسمیلردن مذکور کان قانونی شکل‌ده قازیب چیقاریلیشی‌نی سوره‌گن‌لر.
ولایت‌نینگ، ولایت کینگشی باشلیغی حسیب‌الله ستانکزی‌نینگ سوزلریگه قره‌گنده، لوگر کرومیت کانی سونگی نیچه ییل‌دن بیری ناقانونی روش‌ده قازیب چیقاریلیب قوش‌نی مملکت‌لرگه صادر ایتیلگن.
بوندن آلدین افغانستان جمهور رییسی اشرف‌غنی هرات‌نینگ قیمتلی تاش‌لری خارج مملکت‌لرگه صادر قیلینیشی‌نی توسگن ایدی.
