بوگون «چهارشنبه» ناتو تشکیلاتیگه اعضاء مملکتلرنینگ ییغینیده، افغانستان حربیلری و پولیس کوچلریگه یاردم بیریلیش موضوعی بحث گه آلینگن و نتیجهده شمالی مقدونیه، افغانستان ملی حربی کوچلرینینگ تاپشیریلگن صندوقی (Afghan Nation Army Trust Fund) گه 1000 امریکا دالری یاردم بیریشی توغریسیده سوز بیرگن.
شوندهی بیرحالده، امریکادن تشقری یاردمچی مملکتلر و ناتو تشکیلاتیگه اعضاء مملکتلر شامل یاردم بیرووچی مملکتلرنینگ رویخطیده کوپینچه کوز توترلی مبلغ کورینهدی؛ آلماننینگ 582 میلیون دالرلیک یاردمیدن باشلب آسترالیانینگ 520 میلیون دالرلیک یاردمی هم بولگن. شونینگدیک، ترقیات ایگهسی بولگن مملکتلر جملهدن سویس، حربی کوچلرنینگ تاپشیریلگن صندوقی گه یالغیز 186 مینگ دالر یاردم بیرگن، بیراق شمالی مقدونیه نینگ 1000 دالرلیک یاردمی اهانت کورینهدی.
افغانستان ملی حربی کوچلرینینگ تاپشیریلگن صندوقی و LOTFA یا-ده قانون حاکمیتی اوچون جمغرمه صندوقی، اعضاء مملکتلر و شمالی آتلانتیک پیمانی (ناتو) گه یاردمچی مملکتلرنینگ بوتون یاردملرینی تشکیل بیرهدی. قانون حاکمیتی اوچون جمغرمه صندوقینینگ سرمایهسی افغانستان ایچکی ایشلر وزیرلیگینینگ تشکیلاتیده ظرفیتنی یوقاری کوتریش، اصلاحات کیریتیش و پولیس حقوقینی توللشگه صرفلنهدی.
