خوست ولایتی‌ده فایبرنوری و سلام مخابراتی ترماقلری‌نینگ پروژه‌لری یکونلنیب فایده‌لنیش‌گه تاپشیریلدی.
فایبرنوری و سلام مخابراتی ترماقلری‌نینگ پروژه‌لرینی فایده‌لنیش‌گه تاپشیریش چاغیده خوست حاکمی حکیم‌خان حبیبی‌نینگ ایتیشیچه، اوشبو پروژه‌لر کمیده 6 میلیون دالر خرجت کوتریب و 138 کیلومتر اوزونلیگی‌ده گردیز یولی‌دن خوست شهری‌گه و او ییردن غلام‌خان بندری‌گه ییتکیزیلگن.
جناب حبیبی‌گه کوره، فایبرنوری پروژه‌سی 4 میلیون دالر خرجت کوترگن و بو مبلغ دن 2.9 میلیون دالری دنیا بانکی تامانیدن و 1.1 میلیون دالری افغان تلی‌کام مخابراتی شرکتی تامانیدن توللنگن و سلام مخابراتی ترماغی 1.9 میلیون دالر خرجت کوترگن.
خوست حاکمی‌نینگ ایتیشیچه، اوشبو ولایت فایبرنوری آرقه‌لی زمانه‌وی فن‌لرینی پاکستان‌گه باغله‌یدی و بو ترماق آرقه‌لی اهالی‌گه انترنتی خذمت ارایه ایته‌دی.
خوست محلی مسؤول‌لری‌نینگ ایتیشیچه، بیرینچی‌دن سلام مخابراتی ترماغی خوست یشاوچیلری اوچون 5 مینگ تلیفوننی فعال قیله‌دی و بو ولایت یشاوچیلری باشقه مخابراتی ترماقلر بیلن آز بهاده علاقه قوره‌دی.
فایبرنوری پروژه‌سی‌نینگ عملی ایشی کمیده ایکی ییل آلدین خوست ولایتی‌ده باشلنگن ایدی.
