کیچه یریمیده اوق آتیش سیسی بلخ تومنی نینگ پلاسپوش منطقهسی یشاوچیلری نینگ اوقیسینی بوزگن.
محل یشاوچیلری نینگ ایتیشلریچه، منطقه یشاوچیلریدن بیری برچه عایله اعضاسینی اوققه بیریش نتیجهسیده تورت کیشی عالمدن اوتگن و بیر عیال و بیر ایرکک یرهلنیب قالگن. قوشنیلرگه کوره، حادثهده جان بیرگنلر برچهسی عیال بولگن.
بلخ محلی رسمیلری حادثه عایلهوی خشونتلردن کیلیب چیققنلیگینی معلوم قیلگن.
بوگون (دوشنبه) بلخ پولیس قومندانی جنرال رزاق قادری نینگ سلاموطندارگه بیرگن صحبتده حادثهنی تأیید قیلیب ایتیشیچه، قاتل حادثهدن سونگ محلدن قاچگن. جناب قادریگه کوره، بوبارهده تیرگاو باشلنگن و تیزلیکده نتیجه اهالیگه معلوم قیلینهدی.
مذکور تومنده ابن سینا حوزهیی کسلخانهسی نینگ باش طبیبی داکتر نورمحمدفیض نینگ ایتیشیچه، اوتگن کیچه 3 یرهلنگن کیشی مذکور کسلخانهده کیلتیریلگن.
اوتگن ییللرگه قره گنده، بلخ ولایتیده شو سونگیلرده عیاللرگه قرشی خشونتلر کوپهیگن. اوشبو ولایتده روی بیرگن سونگی حادثه «بیر کیاو قول بمبی بیلن خاتینی و قینانهسینی اولدیرگنلیگینی» اورغولسه بولهدی.
